............. ف الخيال وف الحقيقه ...........
لما احس
ان الحياة مركب غريقه
وكله وهم
اوخيال وانت الحقيقه
مد ايدك وابتسم
خلى الفراق طيف واترسم
وتعالى
نحضن بعضنا طول الحياة
نوصل بشوقنا وعشقنا لمنتهاه
منعدهاش ثانيه واحده اودقيقه
ياللى حبك مالى قلبى بالحنان
لسه ليك شوق محبه من زمان
وانت وحدك جوة قلبى
ف الخيال ... وف الحقيقه
*******
ياللى شوقى هو شوقك
خلى حبى وسام بطوقك
لسه بحلم انى جنبك
لسه روحى هايمه فوقك
شايفه
كل الدنيا دية بقت سراب
بحرمايه بيندفن جوة التراب
وانت واقف بتنادينى
ياحبيبي
امتى اجيلك اوتجينى
عشته حلم
بس حلمك كان دقيقه
ياللى حبك مالى قلبى بالحنان
لسه ليك شوق محبه من زمان
وانت وحدك جوة قلبى
ف الخيال ... وف الحقيقه
*******
وانت وقت الضيقه ضلى
وانت وقت الحيرة سرى
باجى ليك
واناديك واشكى ليك كل همى
وانت نور الضى لما
القى خوف الضلمه هله
والحياة بتروح بهمه
احضنك وابوس اديك
واشكى ليك ماانت منى
لما اكون واقع بديقه
ياللى حبك مالى قلبى بالحنان
لسه ليك شوق محبه من زمان
وانت وحدك جوة قلبى
ف الخيال ... وف الحقيقه
*******
.............. احمدعامر ..............
ننوة ان ما ينشر حق مسجل بالهيئات المنوطه بذلك 1590/2018 س م ب
ليست هناك تعليقات:
إرسال تعليق