........ لو مت فكر بالحياة ...........
كان فيه زمان مليون سبب
وبيكرمونى بدون سبب
اما النهارده للعجب
برضه نسونى بدون سبب
واللى مايتعلم صحيح
بكره الحياه هتعلمه اصل الادب
عارفنى صوره حنينه
وممدونيش وقت المدد
ولاعرفوا قلبى وايه مداه
ولا ايه بعانى بالحياة
ولاشافوا دمعى اللى اتولد
واضحك وقلبى كان حزين
ومفتته كتر الهدد
بعد ماكنت بعزتى
وانا بجمالى وقوتى
كان الجميع وبدون عدد
بينحنوا وآخر أدب
أما النهارده بعيش وحيد
ونسانى ناس كانوا عبيد
بصتلهم وبدون عتب
أعتب لمين واعتب لإيه
طعم الحياه مر؟ داريه
وإحبس آلامك بالضلوع
والجرح لما بيتولد
أصل الحياه من دا ودا
لايدوم شباب لايدوم غنى
والطفل حتى بفكرته
يكبر يتوه بين العدا
لوملقلوش ضهر وسند
لكن نصيحه لاتفترى
ولا تنسى يوم وتضمنى
بالدعوة حتى بدون سبب
لومت فكر بالحياه
وقت الممات مفيش غنى
ولافيه مقام ولافيه أنا
كل اللى كان بدنيتك
هيكون حساب وبزمتك
هى الحياه تسوى العتب؟
كان فيه زمان مليون سبب
دنيا غروره عاوزه الادب
............... احمدعامر ................
ننوه ان ماينشر حق مسجل بالهيئات المنوطه بذلك 6529/2018 س م ب
ليست هناك تعليقات:
إرسال تعليق