............... وانت امك نور ورحمه ...............
انا امى لما ماتت
كل شىء ف الدنيا مات
والحياة بالعمر فاتت
ولسه حزنان من سكات
وانت امك نور ورحمه
لما تبقى الدنيا زحمه
تلقى حضن كبير يضمك
تنسى همك اللى فات
اوعى تصرخ يوم بامك
او تكابر لو تضمك
هى شايله كل همك
وانت صاحى وانت نايم
بالمحبه وف ثبات
تيجى مرة تغطى جسمك
تبتسم تفرح برسمك
لما بس يشع نورها
تحلا فيك كل السمات
ياما صبرت وقت جوعها
واما تشبع بس انت
تيجى تاكل م الفتات
امك اغلى شىء بعمرك
هى جنه وهى نار جوه قبرك
اوعى تنسى يوم وجعها
وانت داير ع البنات
................. احمدعامر ....................
ننوه ان مايمشر حق مسجل بالهيئات المنوطه بذلك 6501/2018 س م ب
ليست هناك تعليقات:
إرسال تعليق