........................... وقت البـــــــــــلايا ..............................
وقت البلايا والمحن تعرف اصول الناس
واللى يحبك اوى عارف تمام مهــــــــــــــــرك
ولاعاوزه الفهلوه ولا حتى الاحساس
اما اللى كرهك اوى بيشوشر على طهــــــرك
الكل ظاهر وواضح لا ظن ولا وسواس
ابن الاصول واقف وساند بالزمن ضهــــــــــرك
وابن الحرام يتركك ويرمى بوشك كاس
وتحس انه بيشمت لو الزمن قهـــــــــــــــرك
كون الاسد وقت البلا واحفظ عهود الناس
واياك تنخ للخسيس ينكسر ضهـــــــــــــــرك
ولو الزمن خلاك بعد العز فقير وتنداس
افضل عزيز النفس ليوم دخول قـــــــــــــــبرك
واللى بيصبر ينول مهما يكون حساس
ولو الزمن جففك بكره يتملا نهــــــــــــــــــرك
واما الاله بالسما مالك قلوب الناس
ويمكن يكون اختبار ربك يختبر صــــــــــــــبرك
الله اكبر لما الزمن يقسى وتحتاس
باديه يزيل الهموم ويغير بالدعاء كـــــــــــــربك
ياعم ياللى الدنيا قست عليك بالباس
وانت الاصيل بس الزمن كســــــــــــــــــــرك
بكره الزمن يعززك وتبقى سيد الناس
بس التزم واجعل م الزمن صــــــــــــــــــــبرك
واضحك واحمد ربك واشكره ولا تحتاس
هو اللى جابر خواطر واظهر للاله شكـــــــــرك
يتبدل الحال من قهوجى او بائع اكياس
لملك ماتحصيه ويعلا بين العباد ذكــــــــــــرك
واللى بيرمى حموله لله ومايشتكى للناس
يفضل عزيز المحيا ويزيد الزمن قــــــــــــــدرك
ويبقى فارس وخيال وعنده شده وباس
تهابه الاسود بالجبال وعزمك سند ضــــــــهرك
وقت البلايا والمحن تعرف اصول الناس
واللى يحبك اوى عارف تمام مهــــــــــــــــــرك
...................................... احمد عامر ................................
ننوه ان كل ماينشر حق فكرى مسجلبالهيئات المنوطه بذلك
ليست هناك تعليقات:
إرسال تعليق