..... مين اللى شارب دمنا .....
ياقلبي لايمك ع الفراق
واليوم ببعدك 100 سنه
عدت سنين ضاق الخناق
والكل يرحل الا انا
حتى الطريق من وسعه ضاق
وانا لسه شايفه من هنا
وكأنه خيط وسط الجبل
وانا وانته لسه لوحدنا
آه م الوجع جوة القلوب
طهق الحجر من صبرنا
صمت اللسان عن شكوته
شرب الجميع من دمنا
والدم اصبح سلسبيل
للى اكل من خبزنا
كل الوشوش اتغيرت
اما القلوب اتحجرت
لما بقينا ف ضغفنا
واهى مرجله
ومرت اوام من عمرنا
بعد القريب قبل الغريب
ضلق الصديق من ضمنا
بعد الجميع وبدون خجل
الا القليل من حظنا
والبركه ديما ف القليل
اللى يقوى صلبنا
والدنيا فيها المعجزات
بتغيب تغيب وتعود لنا
والصير اجمل ف الحياه
والاحلى منه ف صمتنا
ماهو مش مهم يكون كلام
بس المهم بفعلنا
لما تكون المقدره
اعظم طريق هيضمنا
واهى الحياة زى السواقى
دايره وتنهى ف عمرنا
بس اللى ساب للناس اثر
اغظم كتير من مدحنا
بقت الحياة مليون سؤال
مين اللى شارب دمنا
مين اللى قال مين اللى كال
ف الشده زاد من سبنا
اقرب قريب قبل الغريب
ولا الغريب قال زينا
ولا العنين مفهاش نظر
والشمس ضلمه ف غرفنا
احزن واضحك وابتسم
لما النهار خلوة مسا
مع ان شمسه تضمنا
............. احمدعامر ..............
ننوه ان ماينشر حق مسجل بالهيئات المنزطه بذلك32180/2018 س م ب
ليست هناك تعليقات:
إرسال تعليق