........ ساعتها بس هتفهمى .......
يمكن ف مرة تفهمى
ان الحياة حق وخيال
مش بس علم بنعلمه
او نفهمه او جاه ومال
لازم شويه هتغضبى
وشويه تتمايلى بدلال
اصل الحياه حبه تعب
حبة ملل
وفيها لمسه من الجمال
وساعات كتير فيها الفرح
وساغات بنزعل م الجدال
يعنى الحياة فيها الامل
وكتير اوى صعب المنال
والدنيا مخلوقه بعجب
فيها الحرام فيها الحلال
واختارى انتى خطوتك
راحه اليمين ولا الشمال
جوة الحياة برك الجمل
وياما الحياه هدت جبال
اجرى ودورى ولفلفى
واتسترى ورا الف شال
بكره الزمن هيأدبك
ومافيش ف تغييره محال
يومها هتبكى وتندمى
وهتسألى نفس السؤال
ليه الحياة قاسيه كدا؟
فين الصبا وفين الجمال؟
فين الورود ع الخد ناديه؟
والنفس ماليها الامال
مر الزمن زى النهار
وبقيتى مربوطه ف حبال
وكل شىء راح وانتهى
ولسه مجاوبش السؤال
وربك الباقى الغنى
وبعزته ليه الكمال
خلى الحياه لحظة فرح
بحلوها وبمرها على كل حال
ساعتها بس هتعرفى
ان الحياه حبة خيال
....... احمدعامر ...............
ننوه ان ماينشر حق مسجل بالهيئات المنوطه بذلك 6810/2018 س م ب
ليست هناك تعليقات:
إرسال تعليق