............. يامصر .............
لوتسألى
كل القصايد والحروف
كل الكلام
اللى انكتب جوه الكفوف
وازاى بيحكمنا القدر
وازاى بتبعدنا الظروف
اويعنى ايه قلب انشطر
والشمس غطتها الغيوم
لاوالشعاع منك يطوف
اويعنى ايه
معنى الوقوف لخر الصفوف
راح تعرفى انى بحبك
*******
لوتفهمى
لما الحياة
جات النهايه بدون سبب
واما الوفا
من طبعنا قلة أدب
واما الكلام
عن الضمير يصبح عجب
واما الديابه
ف الشوارع يرقصوا
واما القلوب
اتحجرت ومعدش خوف
واما الحرامى
بيسرقك وبدون كسوف
يبقى الزمن غير الزمن
واحنا بندفع التمن
والخلق جاحده ما تؤتمن
واحنا عليها من الضيوف
راح تعرفى انى بحبك
********
لوتحزنى
والدم سايل ع الجبين
وازاى بنهزم اى خوف
والصرخه يكتمها الالم
وقت الضنى ف احلك ظروف
واما الديابه
ف العرا تصبح صديق
تسكن معانا
بمكرها جوة الكهوف
وانا وانتى لسه ف حلمنا
دخل القدر بين الصفوف
ولقى التراب مغطيه الندى
والجثه شيلاها الرفوف
بكى القدر على حظنا
ضحك العدا بدل الكسوف
راح تعرفى انى بحبك
يامصر
.................... احمدعامر ...................
ننوة ان ماينشر حق مسجل بالهيئلت المنوطه بذلك 6570/2018 س م ب
ليست هناك تعليقات:
إرسال تعليق