·
...............وانت اللى بتمناه ...................
وحياة حبيبنا النبى
إن الكمــــــــــــــال لله
وانا مش إمام أو ولى
ولا ليا سلطـــــه وجاه
بس الزمان هدنى
وإنت اللــــــــى بتمناه
ضم الإيدين ضمنى
وان غبت قوم شدنى
واما الزمـــن يرمنى
إوعــاك لاترمى معاه
وحياة حبيبنا النبى
إن الكمــــــــــــال لله
وانا الزمن هدنى
وانت اللــــــى بتمناه
**********
عالى الادان هللى
خـــــــــــلى ايدك ايدى
دفى القلوب زلزلى
دمــــــــــــــك بوريـدى
يمكن ف يوم تنزلى
يومها تشــــــيلك ايـدى
واوعى القلوب تنجرح
دا الحـــب لو يوم برح
يبقى النهـــــار انجرح
وهمـــــوت بتغــريدى
وحياة حبيبنا النبى
ان الكمــــــــــــــال لله
وانا الزمن هدنى
وانت اللـــــــى بتمـناه
********
مين اللى صاد السمك
ياعم ياصـــــــــــــياد
علــمنى ارمى الشبك
وللحبيب اصـــــــطاد
اصل الخـــيال ارتبك
مابين رجـــــا وعياط
ليه الزمــــــان بيكون
ع اللى صدق ويصون
ويعلى اللى يخـــــون
ياعـــــــــــم ياصياد
وحياة حبيبنا النبى
ان الكمـــــــــــال لله
وانا الزمن هدنى
وانت اللـــــى بتمناه
.................... احمدعامر ......................
ننوه ان ماينشر حق مسجل بالهيئات المنوطه بذلك 258970/2017 س م ب
ليست هناك تعليقات:
إرسال تعليق