...............اغلى الحبايب .............
آه ياقلبي
ياللى وخداك السنين
لسه دمى
بيها حاسس فيه حنين
صح ان العمر فات
صح شىء جوانا مات
بس لسه فيه حاجات
عايشه فينا زى نطفة الجنين
لسه قلبى فيها دايب
اما الغريبه بحسها
وبحس حتى بصمتها وبحبها
ايوا ياقلبي بحبها
أغلى الحبايب
*******
زى النهاردة
كنا بنتكلم ساعات
واحس صوتها
جوة دمى وهى امى
اما النهاردة
اصبح كلامنا ذكريات
لكنى لسه بحس بأنفاسها
توشوشنى بحاجات
ولسه قلبي حاسس باحساسها
ومنساش اللى فات
كل حاجه فيها حلوة
فيها غنوة
رغم ان الحب فات
بس الغريبه بحسها
وبحس حتى بصمتها
وبحبها
ايوا ياقلبي بحبها
اغلى الحبايب
********
لسه كلامها بسمعه
لسه بحب صمتها وبستمتعه
لسه صورتها جوه قلبى
وادام عيونى
لما بشوفها يدمعوا
عدت سنه ومسمعتهاش
عدت سنه ومشوفتهاش
قلبى وروحى اتجننوا
كان نفسى مره
اقولها انى بحبك
مش من النهارده
بس دا من صغر سنك
بس الحياة هى الحياة
كل الحبايب ودعوا
اما الغريبه بحسها
وبحس حتى بصمتها وبحبها
ايوا ياقلبي بحبها
اغلى الحبايب
................ احمدعامر .................
ننوة ان ماينشر حق مسجل بالهيئات المنوطه بذلك753310/2017 س م ب
ليست هناك تعليقات:
إرسال تعليق