.................. النغس ......................
النفس زى البحر
موجه ورا موجه
مره تكون مسطرة
ومره تكون عوجه
ومره مستنفرة
ومره تكون زوجه
وقت الرضا تسعدك
واما تكون بالغضب
بتبقى معوجه
والنفس زى الازاز
لوتنكسر تجرك
وتخر منها الدم
والجرح لويوم دمل
بيعيشك بالهم
اوعى لاتكسر تفوس
خليك حسيس ياعم
وان كان لابد تدوس
سيب للجراح تتلم
يمكن يمر الزمن
وتغير الموجه
ويكون لنفسك تمن
متكونش مزعوجه
دا النفس دى موطنك
اوعاك تريد بيعه
احسن كلاب السكك
تاخد حصاد ريعه
وتلاقى نفسك وحيد
بوقت الحوجه
خلى الضمير مرشدك
لوكنت يوم بطريق
اوكنت يوم تفترى
او كنت يومها بضيق
اصل الضمير كذبك
لانه اغلى صديق
والنفس زى البحر
موجه ورا موجه
وقت الرضا تسعدك
وقت الغضب عوجه
.................. احمدعامر ....................
ننوة ان ماينشر حق مسجل بالهيئات المنوطه بذلك 247910/2017 س م ب
ليست هناك تعليقات:
إرسال تعليق