..................... وربك الحارس .....................
وقت يكون المال الكل بيودوا
ووقت تكون محتاج الكل ينفضوا
واهى الحياة ملحقات
وارث يجيب وارث
ووقت يكون المال الكل بيعدوا
والناس ضعاف النفوس
وربك الحارس
والدنيا زى الموت بيعادو ويمدوا
اما الحياة مفرمه
للسهل والتارس
وقليل تلاقى الصحاب ف الدنيا بيسدوا
وقليل بوقت الشدايد
يظهرلك الفارس
والدنيا صبحت جليد والكل بيهدوا
جات الحياة بعزها وببردها القارص
مات الدفى بالقلوب
والكل بيمارس
وقت النهار انتهى والضلمه بتسده
حل العمى بالقلوب
للأمى والدارس
والدم اصبح رخيص بنبيعه ونردوا
والحق بنضيعه
والزور لنا جالس
والكدب بنقدسه وزدنا من حده
ونعلمه للصغار
والشرح بمدارس
ووقت نقول الحقيقه الكل بيصدوا
وصعب تلقى الأمان
اوحتى تتآنس
مات الضمير وانتهى نبيعه ونهدوا
واتجرئوا المساطيل
ع الفرسه والفارس
خليكوا زى الأسود لوسبوا ماترودوا
دا النمل مهما كبر
عمره ماكان فارس
ووقت يجى الشتا يبتعدوا ويمدوا
جوة الجحور يختفى
حتى شهور مارس
واوعى النعيم يخدعك والخلق بيكدوا
احسن تلاقى الحياة
قلبتها لكوارث
خلى الضمير معولك
دا كام غنى اتهلك
والخلق لو تخزلك
فربك الحارس
...................... احمدعامر ....................
ننوة ان ماينشر حق مسجل بالهيئات المنوطه بذلك 379450/2017 س م ب
ليست هناك تعليقات:
إرسال تعليق