............... انا المواطن ................
انا المواطن
اللى كل هم ع الدوله يقوليلى شيل
وانا القابل لاوزارهم
لحد الدنيا ما اسودت وهدوا الحيل
وانا الساكت وانا الصامد كفرس الخيل
وانا الدافع باولادى على حدودنا
اسود كالسيل
وانا الميت وانا عايش وبسترضى باقل قليل
ولسه ناس ببلادى بتسرقنا وتحكمنا
وتسجنى كأنى ذليل
ووقت الاة مابنطقها بيسقونى مرار الويل
انا المواطن عاشق بلدى
وانا الكاسر شباب بلدى
عشان الساده تسرقنا وانام وجعان
واخدنى الخوف بعز الليل
وكل حرامى بالدنيا بيجى بلادى يسرقنى
ويحلفلى بانه شريف
على القرأن وع الانجيل
وكام ظابط بيرشوهم ب 1000 ريال
والف دينار والف جنيه
الاقى الامن بيعظم لابن الايه
وان اتكلمت يشدونى ويرمونى
بانى حد ارهابى والف دليل
وعاوزنى اكون مزلول
لكلب فطيس وام الغول
والاقى الكل مستثمر وله خدام من الساده
ولو يسرق له الف حليل
وعاوزنى اكون مكتوم
ولاد الكلب زلونا لكل الناس
حراميه وخمورجيه
وعايشنها مع الرقاصه وصوت الكاس
وانا شقيان على قوتى
وبدراعى وصوت الفاس
واقول الاة 100مره بعز الليل
انا المواطن
داخل بلدى بلا قيمه
خارج بلدى بلا قيمه
وباعوا بلادى وولادى
كأنى يتيم وبهيمه
وتسمعهم تقول ساده
لكن بره بلا قيمه
ودوشونا بالف مطار و100مينا
لابدخلهم ولا سامحينلى ادخلهم
ويجى الغرب بيدوسهم وبيهنهم
والاقى الساده بقوا خدام
كلاب تسجد لآسيادهم
وعاوزنا نكون خدام
وذلونا لطوب الارض
الهى يارب تلعنهم وتجحمهم
....................احمدعامر ....................
ننوة ان ماينشر حق مسجل بالهيئات المنوطه بذلك 555140/2017
ليست هناك تعليقات:
إرسال تعليق