................ احلى بلاد العالم كله ................
يمكن يوم قابلك شىء مقرف
او حد انانى
يمكن يوم سرقك حد بتعرف
او يوم بتعانى
يمكن بالصدفه اوعافيه
ظلموكى ناس بقلوب خافيه
يمكن تضايقى بطريقك
ويتوة الجانى
يمكن سواق ابن حرامى
لفلف واتمايع بطريق تانى
علشان الاجره تزيد اصلة انانى
يمكن حكومتنا ف يوم تظلم
والكل يعانى
يمكن تتبهدل ضاع حقك
وتتوة بثوانى
لكن ف بلادى شىء روعه
وبحبه بقلبى وكيانى
فيها الطيبه والحنيه
فيه القوة والمداديه
فيها الضحكه بتزلزلنى
من ناس عواجيز ومعديه
فيها الانسان
عمرة مايكون بمكان تانى
انا صح بصرخ واتخانق
واسعار جباره وبتعارك
والبت سماره اهى بتشارك
بالعيشه المره الكويانى
وساعات بتمرمط بمواصله
وشهادتى وعلمى ملوش لازمه
وكأنى تبن او اصلة
والكل مطنش وناسانى
والتاجر يوزن يسرقنى
وامين الشرطة بيحرقنى
لوقولت يابيه حد سرقنى
احيانا بصبح الجانى
والمحضر بيكون مظبط
وانا الطم اصرخ واتنطط
وصاحبنا قاعد ومزقطط
بالحبس رمانى
لكن ف بلادى شىء روعه
بالشده الناس بتكون اوعى
بيشيلوا الهم او اللوعه
وانا نايم قاعد بمكانى
فيها امى وامك ةصبانا
فيها اختى واختك وهوانا
فيها ابنى وابنك دا ضنانا
فيها امن تحسه بمعانى
دى بلادى الحلوة المصريه
لوظلمت يوم هفضل صابر
واهى عيشه وبرضه معديه
يمكن تتبدل بثوانى ربك قادر
وان جوعت ونفسى معبيه
على بلدى هصبر وافاخر
وهترجع مصر من تانى
احلى بلاد العالم كله
مهما كنا الوقتى نعانى
.................... احمد عامر .....................
ننوة ان ماينشر حق مسجل بالهيئات المنوطه بذلك 96140/2017 س م ب
ليست هناك تعليقات:
إرسال تعليق