........ ومين للجرح هيغنى ..............
ومين بالســـــــــــعد متهنى
ومين للحـــــــــــزن متمنى
ومين خايف على قلبي
ومين للجـــــــــــرح هيغنى
واهو موال ملوش اخر
وعايش نبضــه للاخر
بيبـــــــــــــــكى بس بيغنى
وناس قاعده تصقفله
على المعـــــــــــنى ولكنى
بحس بنبضه الباهت
مدوخنى مـــدوبنى مجننى
ياقلبي بس ليه موجوع
وفيك الحــــــــــزن يألمنى
دا شىء عادى ايه الموضوع
تبات مكسور بصوت مسموع
عشان يعنى الحبيب باعك
متنسى ياقلـــــبي واكرمنى
بنبضه للامان يمكن
اعيش وحدى منش مخدوع
والاقى الحلـــــــــم دوبنى
مابين الجنه وجمالها
وبين زهرة بلون الشمس
وابقى اول المجموع
ونادينى وفرحنى وكرمنى
هتاخد ايه من الاحزان
وليه تقفـــــــل على فرحك
ضرورى انام وبيك تعبان
زهقت من وجـــــــع قرفك
دموع سايله وقلب جبان
رضعت الغــم من ضرعك
عشان يعنى الحبيب باعك
وايه يعـــــــــنى
ياقلب احضن شعاع الشمس
واحينى وزيد نبضك ولملمنى
واحكيلى
حكاوى الحــــــــــب كلمنى
عن العشاق بليل عاشق
عن العاشق بليل باشـق
عن الباشق ولمايطير
بليل غامــــق
عن امى لمـــــــــا تحضنى
بلاه الحب ياقلبي واوجاعه
بلاه الحزن يوم يجى
وانا ميت عـــــــلى دراعه
ومين بالســـــــــعد متهنى
ومين للحـــــــــزن متمنى
ومين خايف على قلبي
ومين للجـــــــــرح هيغنى
.................. احمد عامر ....................
ننوة ان ماينشر حق مسجل بالهيئات المنوطه بذلك 110490/2017 س م ب
ليست هناك تعليقات:
إرسال تعليق