.......... والقلوب ملهاش كبير .........
اللى بينا غصب عنا
والقلوب ملهاش كبير
واما يبقى الحب جنه
ابقى بيكى مستجير
وارمى حضنى جوه حضنك
وانتى حصنى وقلبى حصنك
برضه لازم مرة اغير
ماانتى قلبك هو قلبى
ياللى دمك هو دمى
ياللى حبك جوة منى
ورده حمرا ف وسط نيل
داللى بينا غصب عنا
والفلوب ملهاش كبير
********
احضنينى . احضنينى
واوعى مره تجرحينى
وتعادينى وتلومينى
دا الامان كان جوة حضنك
وإنتى ديما تعشقينى
وإنتى فرحى وإنتى جرحى
وإنتى صوت الناى وصرحى
كنت دمك وتنادينى
ياحبيبي إنت روحى
وإنت
نفسى وطيب جروحى
وانت عمرى وشوق سنينى
كنت بغلط ايوا بغلط
وانتى ديما تمدحينى
طب قوليلى ياانينى
ليه جراح البعد كانت
ليه تخونى وتسبينى
ولا حبك كان كتير
داللى بينا غصب عنا
والقلوب ملهاش كبير
*********
اوعى تنسى يوم لقانا
يوم بكانا
اوعى تنسى انى الحبيب
مهما كان البعد واخدك
لسه حبك
شمس ساطعه ومش مغيب
دانتى قمرى وحب عمرى
وكل قدرى
وانتى نور الضى لما
كنتى عشقى وتعنينى
وانا عهدى لسه وعدى
انتى مالكة شوق سنينى
اوعى مرة تقولى آه
او تلومى ع الحياة
دانتى خدتى طريق حياتك
امشى وحدك منتهاه
وانا حزنى من بعادك
اوعنادك مستجير
داللى بينا غصب عنا
والقلوب ملهاش كبير
................ احمد عامر ................
ننوة ان ماينشر حق مسجل بالهيئات المنوطه بذلك 71704/2017 س م ب
ليست هناك تعليقات:
إرسال تعليق