خاص بالاتحاد الدولى للمرأة الافريقيه
........... وكم ست بافريقيا ...............
وكم ست بافريقيا
بيطويها المــــــــــــــــرض والجوع
وكام راجل بها ساكت
مكبر مخـــــــــــــــــه ع الموضوع
وامى الست كام صبرت
وعاشت الحــــــــــــــــياة بخضوع
وانا ياما راجل ظالم سمعتلهم
وكنت بالعــــــــــــــــادات مخدوع
بافريقيا قلـــــــــــوب ماتت
بشوف اختى
بتتمـــــــــرمط وانا ساكت
ولو هصرخ يلومونى
دى ست ياريتها يوم ماتت
واناقلبي بالعــــــــــــادات موجوع
يا افريقيا
يا ارض الشمس والميه
يا افريقيا
وريدى بالحــــــــــــروب مقطوع
قتلــــــــــتوا فينا فرحتنا
وفرقـــــــنا كلام الغرب
اخويا عــاش بدون امى
واختى عيشوها ف كرب
ولما اصرخ
بلاقى الصــــــــــــــــراخ ممنوع
وساعه واحدة خير وسلام
وباقى سنينا عشنا ف حرب
وزوجتى تاهت من اولادها
وتسجــــــنها الحياة والدرب
وقاده بالبــــــــــــدل ظاهره
بيحكمهم قــــــــرار الغرب
وانا صــــــــــوتى مهش مسموع
انا اسف يا افريقيا
بناتك بالجـــــــــبال تايهين
حريمك بالحروب ضايعين
ظلمـــناهم قتلناهم
غصــــبناهم يموتوا سنين
وانا العاشق لسمرتهم
ولسه بالعــــــــــــــادات مخدوع
يا امى يابنت افــريقيا
يا اختى يابنت افريقيا
انا ابنـــــــــــــك ومش مصنوع
جــمالك تاج على راسى
وصبرك طال وانا آسى
أنا اسف راح اتحرر
وامسح قلبـــــــــــــــك الموجوع
وانا بيكى وانا ليكى
وان شاله امــــــــــوت م الجوع
هعيش حافى
وانام على فــــــرش مستعمل
عشان تبقى زعيمة الكل
يلفوكى بحــرير مع تـُل
دا انتى حــــــــــياة ومستقبل
وكم ست بافريقيا
بيطويها المــــــــرض والجوع
وكام راجل بها ساكت
مكبر مخـــــــــه ع الموضوع
................ احمد عامر ...............
ننوة ان ماينشر حق مسجل بالهيئات المنوطه بذلك 412510/2017 س م ب
ليست هناك تعليقات:
إرسال تعليق