........... وربنا المعبود ...............
وليه نقسى ونتناهد
ولسه الحب شىء مولود
جنين لسه وبينور
بوشه البسمه مالها حدود
كأن الشمس بشعاعها
وقافله العين لكل حسود
وانت بعدت بلا معنى
وعمر الود ماجمعنا
انا بعشق بنار ايده
وانت ف عشقى مش موجود
وربنا المعبود
وتوهت وتاهت الدنيا
عشقتك كل يوم بجنون
وراح ثانيه ورا ثانيه
وقلبى ليك مراد وحنون
قتلته مرة والتانيه
ولسه تقولى ساكت ليه
لمين اشكى وليه احكى
وقلبى بالالم موعود
لامونى الناس على حبك
واخترتك وبعت الناس
وكنت بشيل كتير غلبك
واملا حنانى بالاحساس
يادوب لسه يبان ودك
رمتنى ودقت مر الكاس
وانا زنبى انى حبيتك
وحبى مفيش لهمسه حدود
وربنا المعبود
وانا موعود
احب وجرحة يألمنى
بشوق مولود
ينادينى يعاتبنى يحاكمنى
وربنا المعبود
لخلى بقلبك الحسره
على حبى
واخلى الغلب يندهلك
بدل غلبى
واحرق قلبك القاسى
وهدفن بالتراب راسى
واكتب اسمك على قبرى
واقول حبيت بلا معنى
قلوب بايعه مهش شاريه
وكنت بقول هيجمعنا
هوى صافى لبيت غاليه
اتارى الملك للملكه
وتاج الملك
ماتلبسهوش بيوم جاريه
وربنا المعبود
وليه نقسى ونتناهد
ولسه الحب شىء مولود
جنين لسه وبينور
بوشه البسمه مالها حدود
................... احمد عامر ....................
ننوة ان ماينشر حق مسجل بالهيئات المنوطه بذلك 54320/2017 س م ب
ليست هناك تعليقات:
إرسال تعليق