......... واهو ده الغريب اللى حصل............
معرفش اى اللى حصل
ولا ليه وصل
قلبي بحنانه الحد دا
مع انى كنت بخاف يكون
قلبى بيوم بالشكل دا
بيدق دقه بشوق ورقه
ومحستوش قبل كدا
يمكن يكون حكم القدر
ولا الزمن جي يعتذر م اللى حصل
مبقتش عارف اى شىء
لكن فيه شئ بالمختصر
دوب جفايا جدد هوايا
وبدون مكنت بنتظر
واهو دة الغريب اللى حصل
معرفش اسمه
او حتى رسمه
وشغلى بالى وبدون سبب
كل القلوب بشوفها فيه
وايه السبب يلا العجب
يمكن يكون حب كده
ولا القلوب متعوده
تفرح ساعات تحزن سنين
من دا وده
اهو لسه هصبر
ايو هصبر لما اشوف
ان الالم راح وانتهى
ومعدش خوف
يمكن يكون الزمن جاى بيصالحنا
يمكن يكون القدر بقى ف صالحنا
يمكن يكون هو الحبيب
وبدون كسوف
لكن فيه شىء بالمختصر
دوب جفايا جدد هوايا
وبدون ماكنت بنتظر
واهو ده الغريب اللى حصل
....................... احمدعامر .........................
ننوه ان ماينشر حق مسجل بالهيئات المنوطه بذلك 0012810/2017 س م ب
ليست هناك تعليقات:
إرسال تعليق