.................. والفرق بينا مين بيعشق مصرنا ...............
ممكن اعيش برغيف وحاف
وجبنة حادقــــــــــــــــة وعــــــــود سريس
انا اللى عاشق للبلد ولسه عاشق عزها
لوقولتوا عنى بهيم وعاش على كوم دريس
أنا ابن فـــــــــــلاح البلدى
عشت الحياة على أد كدى
لايوم رشيت ولا إرتشيت ولابعت يوم مية هويس
واسمع كلامكوا عن البلاد
إشى فرنسا أو اليونان وإيشى أمريكا أو السويز
لكنى ديما بفتخر ان البلدى هى الامان وليها جيش
يمكن أكــــون سواق لتوكتوك
أوحتى عامل بلطـــــــــــــــــجى وأشرب حشيش
يمكن أكون ولد أونطا
وببيع كلام على العـــــــــــــــــــباد عشان اعيش
ومفيش مكان ليا اسكنه ومليش بلد
حبه بكون جــــــــــــــــــوة السويس أو بالعريش
وبنام جعـــــــــــــــــــان جوة الحفر وأنا ممعيش
أو أكـــــــون مهندس مرتشى
أو أكون طبيب مبيختــــشيش
بس البلدى بحبها
أول ماتنـــــــــــــــده أقلع هدومى أروحلها
وفجأة أفوق من غشوتى وأرمى الحشيش
دمى لها أوهب لها منا أصلى جندى لعرضها
ميهمـــــــــــــــــــــــــنيش .
لو جة عليها كل الدول هبيع دمايا لعزها
وبلاش نعـــــــــــــــــــيش
وأنا بكتفى وقت الجلد أبقى ابنها وأخاف عليها
م الهوا وليــــــــــــــــــها أعيش
برغيف وحاف وجبنه حادقه وعود سريس
********************
والفرق بينا إنك غنى
تقدر تروح لبـــــــــلاد كتير لكن أنا من جندها
أنا جندها وقت الحـــــروب ووقت تهرب منها
أنا جندها جوة الدروب
يمكن بخــــــــالف القانون وتسجنونى بسجنها
لكنى جندى لعــــــــــــزها وقت ماتهرب منها
أنا شمـــــــــــــسها ومفيش غروب
خدوا المناصب كلها خــــدوا الفلوس من بنكها
وأنا إبنها هعيش وأمـــــــــــــوت على أرضها
ومفـــــــــــــــــــــــــــــيش هروب
أنا إبن سينا بالشــمال وأنا إبن أسوان الجنوب
وأنا إبن سيوة بغـــــربها وأنا إبن دلتا الحبوب
هرجــــــــــــع أعمر ارضها
من شلاتين البهــــــــــيه حتى لجبال السويس
وهعيش بها برغيف وحاف
وجبنه حادقــــــــــــــــــــــــــــه وعود سريس
*******************
الفرق بينا إنك حرامى . والشكل شكل المحترم
وأنا الحرامى جوة العيون . لكن أنا بانى الهرم
وولادى هـــــــــــم جندها
وأنا التــــــــــــــــــــــاريخ وترابها دمى يطهرة
وإنت الفساد بتوزعه . وعاملى وطنى ومحترم
وقت الشدايد وقــت الحروب
أول صفوف الجند بيكون أنا
وإنت اللى هـــــــــــــــــــــــــــــــارب م الوطن
دمى يسيل على أرضها . ودمك زفارته بتتعطن
أكلك حرام شـــربك حرام
لبسك حرام عيشتك حرام . بايع تمـــلى بالوطن
وأنا ابنها روحى لها
ومين بيعشق مصرنا . كان البطــــــــل لما فطن
برضه هتشوفه أنا
وإنت العــــــــــــــــــــــــــــــــــــــــن م الصرم
............................ احمدعامر ............................
ننوه ان ماينشر حق مسجل بالهيئات المنوطه بذلك 55108601/2017 س م ب
ليست هناك تعليقات:
إرسال تعليق