............ والدم على باب القضا .............
والدم على باب القضا
ياعـــــم ياقاضــــــــــــــــــــــــــــــــى
انت الموقر منتبه
ولا انتـــه مش فاضـــــــــــــــــــــــــى
يجعل مساءك سعيد
واحكــــام على الفاضـــــــــــــــــــــى
وقضيه تقعد سنــــــين
مع انه فيه قاتــــــــــــل
وحرامى يسرق بسين
تحكـــم وده عـــــــــــــــــــــــــــــادى
ياعم يامحترم ياللى الوطن كبرك
وطنك بموت كل يوم من كل قـــــرادتى
وانت نايم عن الاحكام والقـــــوه
مستشعرين الحرج لاجل صديق ماضى
وعمر لما حكم على ابنه بالجزمه
كان الكلام محترم ولا كان فاضـــــــــى
ياعم هانت بلدكم وقتل اولادهـــا
ياعم ضاعت هيبتكم اتفت اعودها
وانت لسه تخاف وتطبطب وده عـــادى
اهو جم ببابكم كسروا داركم
وهى حرمكم واهو ربك العاطــــــــــى
احكم ياعم بقى خلص كتيــر تارنا
خلينا نرجع امان نحمى بقى دارنا
وان فضلت كدا بتطول وبتقاضـــــــــــى
هسمع قرار الاله
انك بقيت ماضـــــــــــــــــــــــــــــــى
والنعى بالجرنال ومات شهيد الوطن
اللى ترك الوطن بالجرم بيهـــــــــــاتى
عشان يطول حكمهم
والحكم كان فاضــــــــــــــــــــــــــــى
براءه يابن اللى قاتل
وانت البقاء لله بقيت من الماضــــــــى
ومصر بشعبها هتعيش بميت قاضـــى
واما جنابك تموت هتموت على الفاضى
.............. احمد عامر ...............
ننوه ان كل ماينشر مسجل بالهيئات المنوطه بذلك5412/2015 س م ب
ليست هناك تعليقات:
إرسال تعليق