............ فيه ناس وناس ..............
فيه ناس قلوبها حجر
وناس تدوس البشر
وناس تموت م الجوع
وناس تموت ف الغجر
وناس تقول يارب
بتلاقى بيتها اتفجر
فيه ناس تقول الله
وناس تقول الاه
وناس بلون الشجر
بكل ارض معاه
وناس تعيش بالجلد
وناس بصلب الوتد
وناس جبانه اوى
زى الكلام انفرط
فيه ناس وناس فيه ناس
************
فيه ناس تموت بالشر
وناس بتعمل خير
وناس قلوبهم دهب
وبيخدموا ف الغير
وناس غلابه اوى
وحياتها صاعبه اوى
وبيخدعوهم بشر
الندل والفهلوى
وناس بتهدم بلد
وناس بدالها تدير
واهو الزمن مدبحه
والندل يبقى امير
فيه ناس وناس فيه ناس
****************
فيه ناس كلامهم حكم
وناس كلامهم طوب
والدنيا ع المحترم
وراكبهم المركوب
وناس تقول يارب
وناس تموت وتحب
والدنيا زى الموج
وراكبها المعطوب
وناس سكارى اوى
وناس غلابه اوى
والدنيا فيها القوى
وبيظلم المغلوب
وناس تدور وتلف
وناس تقول الحق
واما المعامله تخف
بتكون عيشتهم زق
والخلق شىء منطوى
ملهمش ف المكتوب
فيه ناس وناس فيه ناس
***************
....................... احمدعامر ..........................
ننوة ان ماينشر حق مسجل بالهيئات المنوطه بذلك *87/105/2017 س م ب
ليست هناك تعليقات:
إرسال تعليق