............ طب الوداع ...................
عدت ساعات ولاردتيش
بتحبنى ؟
ولا انتهى بينا الكلام ؟
وانا بنتظرلو بس اعيش
بدون جراح
بدون وجع وبدون الام
هتجاوبى يوم اوترحلى
ميهمنيش
بس القلوب متعلقه
لسنين طويله بننتظر
والكل جه وبيعتذر
الا انتى بس محنتيش
ايه السبب ؟
يمكن اكون انا السبب
انى عشقتك من زمن
والحب كان قلبى انا
وأما انتى لسة محبتيش
انا مش هلومك ع البعاد
ولا هنتظر راحة الفؤاد
وهسيب مكانك وارتحل
لكن هحبك من سكات
يمكن بيوم هتحنلى
وهتفتكر الفين ميعاد
وتبقى ناوى الاعتذار
لكن يكون الوقت فات
طب ضمنى
قبل الرحيل
قبل الفراق قبل الوداع
قبل التراب مايضمنى
وأدوب معاة بين الطرق
وماليش دفاع
اه يازمان المحرومين
فيك انتهوا
واللى يخون العالمين
بندلعوا
بقى دى الحياة ؟ ولا جحيم
اخر المطاف
لقلوبنا باع؟
ولسه برضه
لسه برضه مردتيش
وانا بعشقك
بس الحياة مبتعطنيش
طب الوداع
يام الحواس متجمده
ولقلبى باع
طب الوداع وسبنى اعيش
.................. احمدعامر ........................
ننوه ان ماينشر حق مسجل بالهيئات المنوطه بذلك 573801/2017
