........ محبتيش ............
محبتيش
ولا كنتى مرة بتعشقى
قولت بشويش
يمكن ف مرة هتعشقى
عدت سنين
ومفيش حنين
ولا شوفتكيش تتشوقى
هو انتى ايه
قلبك حجر ؟
والغلطة ليه
مبتغتفر ؟
وليه نغرب كلنا
وانتى راحه تشرقى
محبتيش ؟
*******
هتنطقى ؟
كل الكلام وبدون خجل
وتفرقى
بين الحنان والمرتجل
وبلاش نقول انه القدر
وان الحياة شمس وقمر
وتدارى حبك بالعجل
هو انتى ايه
قلبك ضجر ؟
ولا انتى ايه
ورقة شجر ؟
سقطت وطارت بالهوا
ونزولها يوم يجى الاجل
محبتيش
*******
ولو الحياة
شوق او جوى
الحب فيها اجمل دوا
وإن قولتى اه
من الهوى
هتطيبى على عشق الهوى
ولا انتى ايه
عايشه بخطر ؟
ولا انتى اية
نقطه ف مطر ؟
سقطت غلط فوق الشجر
محبتيش ؟
ولا كنتى مرة بتعشقى
قولت بشويش
يمكن ف مرة هتعشقى
طب ليه نغرب كلنا
وانتى راحه تشرقى
محبتيش ؟
........... احمدعامر ...............
ننوة ان ماينشر حق مسجل بالهيئات المنوطة بذلك 593701/2017
ليست هناك تعليقات:
إرسال تعليق