.............واهى ساقيه دايرة .................
وتصدق تكـون كداب بالكلام
وتكذب يحـــبك كتير بالهبل
وتنده بحــــبك تشوف الملام
وتكرة يحبك !!! تحس بملل
واحـنا بنمشى بعكس الزمان
ياخلق غيتـــــونا وايه العمل
نضل نعـــل نحــــرم حـلال
نحـلل حرام ونمـــــلا الحلل
وواحده عبيطه تحب الدلال
تبيعــــــك بثانيه لكل الملل
ولو قولت مــرة يابنت الحلال
تبرر عنــــــادها بكل العلل
واهى ساقيه دايرة بجر البغال
واهى دنيا فانيه ماليها العلل
بتلقى حـــزينه قيـاس للجمال
واما الجميـــــله بغايا الشلل
وتاهت معالم لابن الاصــول
وابن الحـــــرام بيملك فـلل
يجن جنـــونك وتنطق محال
تلاقى حبيبتك مـلاك الفـلل
وقاعده بتاكل وتشرب كافيه
ونسيت عيشتها ورص القلل
لها حق تهرب وتاكل حرام
وتكفر وتؤمن بغـــير الملل
ماهو شيخ بيوعظ كل الحريم
وحرم وحــلل وذكر العلل
وفجـأة بيعشـق جمـال البغايا
وربك غفــــور لكل الذلل
وعيل صغـير يدخـن حشيشه
بياخد مؤبد لسوء العمل
وباشا يتاجــــر بطن حشيش
بياخد براءه بأمر الشلل
وعالم بيقبض يادوب لحلوحين
وزانيه فلوسها بتعمل خلل
ياعينى عليكى يامصر البهيه
ياحاضنه البغايا وفارغه الحلل
وشعبك بيضحك بكتر البلايا
وفسده بتسرق وجابوا الملل
وامتى يامصر ياغاليه تغنى
ويحضن ترابك ولاد العلل
وتصدق تكـون كداب بالكلام
وتكذب يحـــبك كتير بالهبل
وتنده بحــــبك تشوف الملام
وتكرة يحبك !!! تحس بملل
. ............. احمدعامر ...............
ننوة ان ماينشر حق مسجل بالهيئات المنوطه بذلك 748901/2017 س م ب
ليست هناك تعليقات:
إرسال تعليق