......... والحقيقة بقيتى ذكرى .............
والحقيقه بقيتى ذكرى
بعد ماكنتى الحياة
واللى يجرا بينا يجرا
ما الطريق جاب منهاة
ومهما لومتى بالف شكوى
اللى صابر جاب مداة
والمرار ف الحلق قاطع
والغرق باين وساطع
البسى طوق النجاة
دا الحقيقه
دالحقيقه بقيتى ذكرى
********
لملمى ف القلب جرحك
وسبينى مدارى جرحى
دا الزمن غير ملامحك
والبعاد غير ملامحى
والنهارد جيت اصارحك
مش هسامح اوتسامحى
دا القلوب كانت بريئه
دمرتها نفوس دنيئه
واللى يجرى مابينا يجرا
والحقيقه
والحقيقة بقيتى ذكرى
*********
فيه قلوب ف الدنيا عايشه
ماباعتش ف يوم وخانت
وقلوب ف الدنيا طايشه
ف الشدايد جات وبانت
دمرتها نفوس ضعيفه
خلو فيها النفس هانت
باعوا فيها كل حاجه
دمروها ف كل حاجه
لماسمعت لما ضحكت لما لانت
ياللى سامع ياللى عارف ياللى تقرا
اللى يجرى مابينا يجرا
دا الحقيقه
والحقيقه بقيتى ذكرى
................ احمدعامر ..................
ننوة ان ماينشر حق مسجل بالهيئات المنوطه بذلك 357310/2017 س م ب
ليست هناك تعليقات:
إرسال تعليق