........... حطى ايدك جوة ايدى ................
حطى ايدك جــــوة ايدى
شعللى الـــــــدم بوريدى
وازرعينى ورده بلدى
جوة قلــــــبك لآ وزيدى
واطرحيلى قلب صافى
واللى صافى من وريدى
دم يجرى جوة نبضك
اما نبضـــك كان بريدى
وبريدى هو حضنك
اللى حضـنك كان بإيدى
وبريدى كلمتين أه بحبك
قلبى ملكــــك لو تريدى
حطى ايدك جـــوه ايدى
**********
طمنى بالقلـــــب خوفى
وبحنـــانك ابقى طوفى
دانتى حلمى وبحروفى
هكتبـــــــــك شعر بوريدى
راح يغنيه اللى عاشــــــق
واللى عجز واللى ناشــىء
واللى جوه الارض يزرع
اللى راشـــــــــــــــــــــق
بالقلــــوب سهمى ووعيدى
دانتى فرحى وانتى طرحى
وانتى طبـى تداوى جرحى
وانتى همس يطوله شرحى
وانتى نور العين وعـــيدى
حطى ايـــــــدك جوة ايدى
***********
سمى باسم الله وجودى
لسه قلبى فيه وعودى
واملا طوقك من ورودى
دا اللى عشقك شىء بدمى
بالحنان مديه وزيدى
دانا روحى باسمك انتى
وانتى قلبى مهما كنتى
عمر مرة ف يوم ماهونتى
انى انفذ يوم واعيدى
كنتى ديما تاج جبينى
بالشدايد تسندينى
وقت خوفى تأمنينى
ع العدا بسهمك تبيدى
حطى ايدك جوة ايدى
...................... احمدعامر .......................
ننوة ان ماينشر حق مسجا بالهيئات المنوطه بذلك 156701/2017 س م ب
ليست هناك تعليقات:
إرسال تعليق