جيشنا البطل للشاعر احمدعامر

...................... جيشنا البـــــــطل ..............................
جيشنا البطل. يحمى بلدنا فوق ترابها وارضــــــها
جيشنا البطل. يحمى حماها ف السما وف بحرها
م المعتدين او من عدو جه هنــا
بيموت فدانا بس يحيا شعبــــنا
وعشان يامصر انتى حياتنا ودمنا
ينده ياوطنى ... انا ابن وطــنى
دمى فداك ..... احمى حماك
ولو الهلاك .... هفديك ياوطنى
جيشنا البطل

انا كل ذره من ترابك معــــــــدنى
وبدم اخويا اللى سبقنى وضمنى
احلف يمين الله ..لاحرسك ليـــل نهار
واللى يمسك مهما كان لاسقيه مرار
يامصر دمى لحماكى ماتحزنى
احنا فداكى .... وروحنا فداكى
وانده ياوطنى ... انا ابن وطنى
دمى فداك ..... احمى حماك
ولو الهلاك ....هفديك ياوطنى
جيشنا البطل
الله اكبر يابلاد المسلمـــــــــــــين
الله اكبر يامصر وميت يمـــــــــــين
لتكونى زهره مفتحه وسط البلاد
وتكونى باسمه للغلابه المحـتاجين
وتكونى امن وحضن دافى للعباد
وتكونى وقت الشده سنده المرعوبين
واحنا فداكى.... وروحنا فداكى
وانده ياوطنى ..... انا ابن وطنى
دمى فداك ....... احمى حماك
ولو الهلاك ........ هفديك ياوطنى
جيشنا البطل
................................ احمد عامر ...................................
ننوه ان كل ماينشر حق فكرى مسجل بالهيئات المنوطه بذلك