إجمالي مرات مشاهدة الصفحة

آخر الأخبار

الجمعة، 11 نوفمبر 2016

ليه ياحمام للشاعر احمدعامر

...................... ليه ياحمام ....................
ليه ياحمام تهجر دارنا
وانت زمان ديما جارنا
ولو سأل عليك العزال
هيعرفوا انت هجرنا
وهيشمتوا انك رحال
وهيعرفوا انت مرارنا
ليه ياحمام تهجر دارنا
________
صبح الصباح فتاح ياعليم
وانا منتظر انك ترجع
منا اصلى عاشق قلبي سليم
والهجر عنى كتير يوجع
طب اعمل ايه ؟ انده عليه؟
يرجع يزورنا تانى بدارنا
ليه ياحمام تهجر دارنا
ـــــــــــــــــ
ياقلبي ياللى كتير عشقان
اصبر على المكتوب تكسب
دا الصبر اصله تقى وايمان
والصبر للحيران مكسب
مهما الحمام يهرب بمكان
هيعود لداره مهما هجرنا
ليه ياحمام ليه ياحمام
ليه ياحمام تهجر دارنا
............................ احمد عامر .........................
ننوه ان ماينشر مسجل بالهيئات المنوطه بذلك 1110124/2014
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)