ساعات بنندم للشاعر احمدعامر

............... ساعات بننـــــــــــدم .................

ساعات بنندم ع اللى كان ونتحصــر
ايه السبب ان القلب مطوعنــــــــــــــــاش
مع انه شارى ومش بايع ولا مقصــر
بس الجحود مننا لازمنا ومســـــــــــــبناش
واخترنا سكه جديده مع ان بنتعسر
ووقتها ولا همنا وبرضه مندمـــــــــــــــناش
وقولنا حكمه ربنا حكمت وهتفســر
ليه القلوب بالجفى وبرضه مبعــــــــــدناش
مع انه كان اختبار وبس هنــــــأشر
وسقطنا بالاختبار وبرضه معرفــــــــــــناش
ان الحياة اختيار وتختار مـــــابدالك
لكن قلوبنا المريضه بالجد منفعـــــــــــناش
وعدت ايام وليالى وسنين ومهالك
كنا نمنى النفس بان متعــــــــــــــــــبناش
وصبرنا صبر ايوب على احــــــوالنا
ونقول بركره نرجع وبرضه مرجعـــــــــــناش
وبقت الحياه عاده والصمت موالنا
لاشىء يشدك ولا يهدك ولا تنحــــــــــاش
كل السنين موحده بالشكل والصوره
ولاحب نافع ولا حيله ولا احســــــــــــــاس
ولاشىء تحس ان الدنيا بتتـــــــغير
وعشنا بوسط الالم والسفله والاوبـــــــاش
وحسينا بنخذة ندم ع اللى كان ونتحصر
بس الزمن عدا أوى وبرضه لسه مجـــــــاش
وبقت الحياة بالذكريات احلى بأحلمنا
اما الحقيقه الحبيب بالزمن انحـــــــــــــاش
ولاعاد يفيد الندم ولايمحى اخطأنا
والعمر راح وانتهى مع صاحبه الغشـــــــاش
والصدق للنفس اجمل لاحولنا
بس القلوب اختارت اللى بالحب مايســواش
وسابت اللى اشترى وللحب كان شراى
بوسط سوق الجوارى باعته ببـــــــــــــلاش
هو خطأ واحد بالعمر وعملناه
خلانا طول الحياة نندم وكأن مندمنــــــــاش

............................... احمد عامر ...................................
ننوه ان كل ماينشر حق فكرى مسجل بالهيئات المنوطه بذلك