اقولك ولا ادارى للشاعر احمد عامر

......................... أقولك ولا اداااارى.............................
أقولك ولا ادارى
حبيبى ايه اللى جرالى
بحس بعشق يدبحنى
وبرضه لسه بتدارى
وعينى لما بتشوفك
بتفضح كل اسرارى
واحس بنبضه من قلبى
بتشعل شوق باوتارى
ولما تيجى تكلمنى
مابقدر ابوح باعذارى
ويفضل بالفؤاد شوقى
وانته دارى واسوارى
اقولك ولا ادارى
حبيبي يرحل الماضى
وانا عاشق جمال روحك
بحس بقلبى كام دقه
واقول بكره انا بطوعك
ويجى بكره ويجى بعده
ولاتكلم
واحس بقلبي بيندهلك
ويتالم
ونفسى اشكى وجع قلبى
الاقى الزل بجروحك
اقول هعتب على حالى
وانسى كل موضوعك
ولاقى فكرى متحير واخبارى
اقولك ولا ادارى
ساعات بتاخدنى احلامى
بانك كل احلامى
واقوم الصبح كأنى معاك
وافوق القانى وحدانى
واحس بدمعتى سالت
وشوقى غلف احوالى
وحالى بين ايادى الله
بايده يمحى احزانى
انا مكسور من الوحده
وتاهت عنى وجدانى
ومش ندمان على حبك
ولو عاد الزمان تانى
هحبك برضه وانسانى
وهرجع للكلام واداريه
وهسال السؤال تانى
اقولك ولا ادارى

.............................. احمد عامر .....................................
ننوه ان كل ماينشر حق فكرى مسجل بالهيئات المنوطه بذلك