.......... وقالوا العين .........
وقالوا العين مافيها رموش
ولاعرفوش . بانك رمشى والننى
وابص بعين واغمض عين
واقول يامعين . تحنن قلبة وتعنى
وابص بعينك الحلوين
احس بفجر ف جمالهم
ولو غمضت مره بيوم
انا بسأل وايه مالهم
ياعم خف من عينك عيونك بحر غرقنى
تكون غاوى عذابى واتوة
وبحر عنيك مشرقنى
وقالوا عيونك سهاد نعسان
وانا سهران واناديلك
ياقلبي ليه تكون حيران
وانا ديما بناديلك
وهو عشان عينك حلوه
تداريهم بمناديلك
ولما ببص بعيونك
بحس بجسمى نار آيده
واتقرب وانا حيران
الاقى النن بيدمع مفيش فايده
منا شوقى سبق حكمك
وحبك نار بتكوينى
ونار ايده
سلامة الاه بعيونك ودمعتهم
دا انت الجنه وجمالها وروعتهم
ولو يعنى انا غلطان انا قلبى بزمتهم
عيونك بحرى والمرسى
وقلبي عمره مايرسى
ولاتهدينى نظرتهم
يابنت الايه يامجنونه داحبك بان على عيونى
ولو ملاين هتلومنى انا شايلك على جفونى
وجوه العين هخبيكى ياعز الدنيا وجنونى
عيون القلب من شوقها هتتجنن على بعدك
وياما قولت مشتاقلك وبحبك وفين ودك
وقولت تعالى بحضانى وضمينى
يادوب قلبى شىء مخلوق على ادك
ياعم ياماشى ع المينا
مشوفتش م الحبيب حاجه
وليه اشتاق وابات حيران
وليه مبشوفش ولا حاجه
يكونش حبيبى ناسينى
وانا عيونى له مشتاقه
ضحكلى وقالى ياصاحبى
بلاش تحلم وأصل الدنيا حواجه
على النعمه يامعلم عيونها نار ودباحه
وساعة تبقى مبسوطه
تحس عيونها 100 واحه
ووقت الغيظ يامعلم تكون قاتله ونواحه
وقلت ليها ياقلبي قالتلى معاك ياعمرى
وانا دايب بعيونها وحاسس انهم قبرى
بحبك . وحبى هو نور قلبي
وقلبى هو ملك اديك
وايدى بايدك بترشدنى
ورشدى بحر جوه عنيك
وعينك بحرى وشطى
وشطى حضن جوة اديك
يابت القلب بيكى مشغول والعين مبتنامشى
وانا الوحيد اللى سهر والفكر مابيمشى
انا قلبي عاشق هواكى والسحر بعيونك
وانا النهارده بعترف بحبك امان رمشى
............... احمدعامر ...................
تتوة ان ماينشر حق مسجل بالهيئات المنوطه بذلك 1576/2018 س م ب
ليست هناك تعليقات:
إرسال تعليق