.................................. انا مصـــــــــــــــــــــر ................................
م ص ر مصر
الميم محبه والصاد صلابه والراء رحابه
للعاشقين تراب بلدنا
للمنقذين دم ولادنـــا
وللصبايا المشتاقين لأمان بلـــدنا
واللى بيحمى الحدود هم جنودنا
م ص ر مصر
الميم مودة والصاد صبابا والراء ربابه
ساعة الحروب يتغنوا بيـــها
ساعة السلام يتأنسوا فيها
ساعة الضياع فيها الرحـــــــــــــابه
للتعابنين والمجروحين يداوا فيها
ووقت تشتد الحروب كله يناديها
انهضينا يام العرب والمجــــــــــروحين
انهضى دم العروبه الحــــــــــــــزنانين
فين الحمايه واحنا ليكى محـــــتاجين
وتبتسم وتقول تعالوا انتوا بيا منصورين
واللى بيخرج بره طوعى بكره يجوا
لحضن قلبى بكره يجوا مزلـــــــــولين
انا امكم وبحبكم وكل عاصى منكم
قلبي بسامحه اكمنكم
الدم دمى والهم همى ياخــــــايبنين
وقت تكونوا بخير كتير بتبـــــعدوا
وتجرحونى وتتركونى وتشــمتوا
وابات جعانه واصبر وانتم تسكتوا
وولادى باتوا زى بس مذعـــــــــورين
وابكى واقول بكره الزمان هيجبلى
حقى وتشهدوا بانى ام المنـــصورين
انا مصر انا التاريخ وولادى جند الله بارضى
كل العرب هم ولادى وهم دينى
وهم لغتى وهم عرضــــــــــــــــــــــــى
انامصر الامارات والكويت والبحرين والســـــــــــــــــــــعوديه
انامصر اليمن ولبنان وعمان والمملكه الهاشـــــــــــــــــميه
انامصر جزر القمر وموريتانا وجيبوتى والعراق وســـــــــــوريه
انامصر قطر وفلسطين وتونس والدوله الســـــــــــــــودانيه
انامصر ليبيا وموريتانيا والصومال والجزائر والمملكه المــغربيه
ساعة الحقيقه بيكونوا سندى
بيكونوا ولدى بيكونوا ارضـــــــــــــــــى
والكل فيهم بيخاف علىا
ويقولى حاضر ويلبى فرضـــــــــــــــى
انا امكم اناقلبكم انا كلكم واشتد كربى
لكنى مهما كان زمانى او الامانى
انا الامان لكل مسلم ولكل عـــــــــربي
وانا سهمكم على الاعادى وكل عادى
لو اصله شرقى او اوكان شمالى او حتى غربي
هيجى ياخد خير ولادى او يوم يدنس برجله ارضى
مايهمكم انا امكم ومهما كان بينا خلاف انا دمكم
انتم ولادى وانا صاينه عرضـــــكم
وقت الشدايد اجمعوا وانا اضمكم
لوكنت مسلم اومسيحى اويهودى انتم ولادى بحبكم
بس احفظونى وقت الشدايد بكل روحكوا ودمــــــــكم
واقسم بانى لو يوم هموت هيضيع شرفكم وعرضـــكم
وكل مالكم وكل شبر بارضــــــــــــكم
وانا مش هموت لانى ذكر الاله
واقروا كتير توراتكم انجيلكم قرأنكـــــم
................................ احمد عامر ..........................
ننوه ان كل ماينشر حق فكرى مسجل بالهيئات المنوطه بذلك 58470/2014 س م ب
ليست هناك تعليقات:
إرسال تعليق