............... ووحدربك الواحد ............
ويعنى الشمس لوغابت هنعمل إيه
ويعنى العمر أهو عدى وفاضل إيه
متسألشى عن الماضى
ولا تحكم على الفاضى
دا أصلك طين ومش قاضى
وإسأل بس ف الدنيا نسيتك ليه
ساعات بتذكر سنين عمرى
واروح وأطل على قبرى
وأسأل كل أمواتى
بدنيتكم عملتم ايه
ولا حد نطق فيهم
ومر سنين وناسيهم
ويمكن ضاعت سنين عمرى
ومش نادم ف مرة عليه
وحان الوقت نتحضر
على قبرى وانادى عليه
ما كل الناس بلافايده
سنين سوده ومش فايته
يبيعوا الناس
كما الخضره ب 10 جنيه
ضمير الخلق مش موجود
وعزة ربى المعبود
بقت عيشه حرام ف حرام
بيمنحها سعادة البيه
تقوله السرقه نار وحرام
يقولك طب وانا أعمل ايه
ولو يعنى الحرام سيد هنعمل إيه
مفيش غير ربك الواحد
بيكسر كل شىء جاحد
واهو صابرين على الدنيا
وفيها العبد واللاحد
فاصبر ع الحياة تحيا
ووحد ربك الواحد
وإدعى يارب تسترها
من الدنيا وإبن الإيه
..................... احمدعامر ....................
ننوة ان ماينشر حق مسجل بالهيئات المنوطه بذلك 6310/2018 س م ب
ليست هناك تعليقات:
إرسال تعليق