........ دنا كنت بكدب .............
وانا كنت بكدب
لما قلت بإن انا قادر أعيش
وانا كنت بكدب
لما قلت إن البعاد مايهمنيش
وفضلت تبعد وأبعد
وتقولى جاى
وابات بشوق وماتجنيش
والله اعلم . باينى بحلم
وبرضه حلمى ما بينتهيش
خلاص تعبت
من الكلام ومن البكى
وخلاص تعبت
من اللى قال واللى شكى
هو انت جاى
ولا حياتى ماتسويش
دنا كنت بكدب
******
وانا كنت بكدب
لما قلت مفيش امان
وانا كنت بكدب
لما قلت انت المُلام
وفضلت ساكت
لما انتهى منى الكلام
هو انت ليه طيب اوى
طب كنت اصرخ بالأوى
لكن مشيت وسبتنى
بدون سلام وما لومتنيش
خلاص تعبت
من الكلام ومن البكى
وخلاص تعبت
من اللى قال واللى شكى
هو انت جاى
ولا حياتى ماتسويش
دنا كنت بكدب
******
انا كنت بكدب
انى نسيت يوم حبنا
وانا كنت بكدب
انك سبب يوم هجرنا
وانا بعتذر . ماكنتش اعرف
انى بحبك كل دا
وان الحياة
صعبه اوى بالشكل دا
ايوا حبيبي دإنت حببيبي
متنسنيش
خلاص تعبت
من الكلام ومن البكى
وخلاص تعبت
من اللى قال واللى شكى
هو انت جاى
ولا حياتى ماتسويش
دنا كنت بكدب
............... احمدعامر ...............
ننوة ان ماينشر حق مسجل بالهيئات المنوطه بذلك 34910/2018 س م ب
ليست هناك تعليقات:
إرسال تعليق