........... حاسبى ..............
حاسبى جريد النخل
لا السعف يإذيكى
واوعى تحطى الكحل
وتإذى بعنيكى
هدى القلوب هدى
دا الصعب هيعدى
يابهيه فكى الطوق
وشمرى اديكى
*****
حاسبى على ايدك
والدم ف وريدك
اصل الزمن خداع
خلا الآجير سيدك
وإن يوم باعوكى
زمان
أنا جاى وشاريكى
هدى القلوب هدى
دا الصعب هيعدى
يابهيه فكى الطوق
وشمرى اديكى
*****
آه ياما من خوفك
ضيع جمال طيفك
وإن كنت مره هلوم
باب الوفى مايدوم
أنا لسه دمى بكى
ولسه بناديكى
طب افرحى واتأوتى
والعبى وإتنططى
للصبح على كيفك
هدى القلوب هدى
دا الصعب هيعدى
يابهيه فكى الطوق
وشمرى اديكى
............... احمدعامر ....................
ننوه ان ماينشر حق مسجل بالهيئات المنوطه بذلك 52801/2018 س م ب
ليست هناك تعليقات:
إرسال تعليق