................... انا مصـــــــــــــــــــــر ......................
م ص ر مصر
الميم محبه والصاد صلابه والراء رحابه
للعاشقين تراب بلدنا
للمنقذين دم ولادنا
وللصبايا المشتاقين لأمان بلدنا
واللى بيحمى الحدود هم جنودنا
م ص ر مصر
الميم مودة والصاد صبابا والراء ربابه
ساعة الحروب يتغنوا بيها
ساعة السلام يتأنسوا فيها
ساعة الضياع فيها الرحابه
للتعابنين والمجروحين يداوا فيها
ووقت تشتد الحروب كله يناديها
انهضينا يام العرب والمجروحين
انهضى دم العروبه الحزنانين
فين الحمايه واحنا ليكى محتاجين
وتبتسم وتقول تعالوا انتوا بيا منصورين
واللى بيخرج بره طوعى بكره يجوا
لحضن قلبى بكره يجوا مزلولين
انا امكم وبحبكم وكل عاصى منكم
قلبي بسامحه اكمنكم
الدم دمى والهم همى ياخايبنين
وقت تكونوا بخير كتير بتبعدوا
وتجرحونى وتتركونى وتشمتوا
وابات جعانه واصبر وانتم تسكتوا
وولادى باتوا زى بس مذعورين
وابكى واقول بكره الزمان هيجبلى
حقى وتشهدوا بانى ام المنصورين
انا مصر انا التاريخ وولادى جند الله بارضى
كل العرب هم ولادى وهم دينى
وهم لغتى وهم عرضى
انامصر الامارات والكويت والبحرين والسعوديه
انامصر اليمن ولبنان وعمان والمملكه الهاشميه
انامصر جزر القمر وموريتانا وجيبوتى والعراق وسوريه
انامصر قطر وفلسطين وتونس والدوله السودانيه
انامصر ليبيا وموريتانيا والصومال والجزائر والمملكه المغربيه
ساعة الحقيقه بيكونوا سندى
بيكونوا ولدى بيكونوا ارضى
والكل فيهم بيخاف علىا
ويقولى حاضر ويلبى فرضى
انا امكم اناقلبكم انا كلكم واشتد كربى
لكنى مهما كان زمانى او الامانى
انا الامان لكل مسلم ولكل عربي
وانا سهمكم على الاعادى وكل عادى
لو اصله شرقى او اوكان شمالى او حتى غربي
هيجى ياخد خير ولادى او يوم يدنس برجله ارضى
مايهمكم انا امكم ومهما كان بينا خلاف انا دمكم
انتم ولادى وانا صاينه عرضكم
وقت الشدايد اجمعوا وانا اضمكم
لوكنت مسلم اومسيحى اويهودى انتم ولادى بحبكم
بس احفظونى وقت الشدايد بكل روحكوا ودمكم
واقسم بانى لو يوم هموت هيضيع شرفكم وعرضكم
وكل مالكم وكل شبر بارضكم
وانا مش هموت لانى ذكر الاله
واقروا كتير توراتكم انجيلكم قرأنكم
.................... احمد عامر ....................
ننوه ان كل ماينشر حق فكرى مسجل بالهيئات المنوطه بذلك 667210/2014 س م ب
ليست هناك تعليقات:
إرسال تعليق