.............. وانا ابويا قالى ...........
وأبويا قالى
إن الحياة فيها العجب
متخلهاش يوم تغلبك
وتكون مخلى
بالك أوى من العتب
ف سكرتك يوم يقتلك
وانا جى بقولك
إن كلامك كان حكم
نهشوا الحبايب
جتتى زى الرمم
وكان معلى
لهجته وبدون سبب
وكأنه حبل ف الرماد
ملوش صحاب وبيفتلك
ماكنت قلبى وكنت صاحبى
وصبحت غلبى فجأه ياصاحبى
دبحت قلبى وانا ابويا قالى
بس نسيت يوم كلمته
إشرب ياقلبي مزلته
وإسمع كلام محلمتهوش
إبعد يارب عننا كل الوحوش
وانا ابويا قالى
إن الضمير
هو الحياة مع إنها راح تقتلك
لويوم نسيت مين علمك
أو يوم ضاعفت مزلتك
ديما تملى
إصحى وفوق من كبوتك
وإخلق حياة
قبل الحياة ماتفرمك وتعللك
وأبويا قالى
ان الحبيب زى الإزاز
لوتكسره هيعورك ويدملك
إوعاك تخون أوتكسره
أويعجبك يوم منظرة
والقلب فيه غصه وألم بتدمره
خليك ياولدى
شىء بسيط ظلل بظلك
وانا ابويا قالى
ان الحياه حبة عمل حبة امل
طبطب ياولدى ع الحبيب
روح واتركه قله النصيب
يمكن بيوم تأنسه أو يوم تمله
بس الحياه فيها العجب
إعمل حساب
ان الحبيب بيوم يضلك
دنا ابويا قالى
.............. احمدعامر ................
ننوة ان ما ينشر حق مسجل بالهيئات المنوطه بذلك 01801/2018 س م ب
