........... قالو عاشق بس خايف .................
احمد عامر
قالوا عاشق بس خايف
تنتبه ليك العيون
والكلام بان ع الشفايف
الف معنى والف لون
بس قلبي كتير حزين
حزنه ظاهر بالعيون
امل صالح
عادي لما يقولوا عاشق
ليه بتخجَل من..ملامهم..
حِب..و اعشق..كيف ما بِدَّك
إوعى تِسمَع يوم..كلامهم..
أصل يابني الناس بتحقِد
ع اللي دايما قلبه..نابِض
بالغرام.. جداً بتحسِد
ما فيهم للحب..ساجِد
إوعي تاني تِداري عِشقَك
خلّي قلبك طير سلامهم..
احمد عامر
ياعنى كل الناس يابنتى
مش حبايب
فيه قلوب حاقدة ومريضه
خلى عشقك شىء مدارى
يبقى ستر الله فريضه
واما يعلن يبقى ويلنا
زى ليل اسود وغايب
يحسدك ابن العبيطه
ناس وكارهه حتى ذاتها
ناشره ناعيه بالجريده
والجراح تبدا تجيلك بالعجايب
شك ياخدك والمشاكل تبتدى
بخطوط عريضه
امل صالح
بس عِشقي..ف قلبي ساكن
مستحيل يمحيه حسود
عِشق متحصَّن..و زارِع
جوّه مني 1000 عود
أيوا ياما حاولوا بينّا
يبعِدونا من سنين
يقضوا ع الذكرى الدفينة
يجلِدوا فينا الحنين
بس يابني الحب دايما
ينتصر..هواه يسود..
احمد عامر
ايوا عارف بس صامت
وانتى عشقى ف الوجود
مهما حاول اى حاسد
مش هيكسر منا عود
بس يعنى الحرص واجب
تسنده كل الوعود -
والنقوس خايبه وكئيبه
كل شىء بالكون بسود
مره ينجح م الاعادى
والحبايب يختفى منها الوجود
وانتى عندى زى ماسه
يشتهي فيها الحسود
امل صالح
أيوا عندك زي ماسّة
لونها باهت..مش بيلمع
لو مشاعرك بيّا حاسّه
كنت مرة ليّا تسمع
لما انده يوم لقلبك
لما دمعي يسيل بحور
او اناجي ضل طيفك
رغم بينا كتير جسور
ياااا حبيبي مشاعري راصّه
1000 آهه في قلبي..توجع
احمد عامر
ليه تكونى ماسه باهته
وانتى باديكى السياده
انا حبى قهوه صابحه
مش عاوزها قهوة ساده
والكلام لو تعدليه
هسمعه من غير زياده
بس خلى القلب صابر
واللسان صمت المقابر
هتلقيها حياة وعادة
خاليه من شغل الريادة
والقلوب بالفرح تسعد
والجسور عشق وعباده
والوجع لحاله يبعد
وانتى نايمه ع الوساده
بالنهايه بحب كلك
1000 همسه تبقى عادة
امل صالح
يسعد القلب اللي عاشق
زي عِشقي لحب قلبك
ياللي نبضك فيا راشق
ألف ميت مليون بحبك
لو تغيب الشمس عني
نور هواك يكفيني ضوءه
ياللي اصلك..حِتّة منّي
بَغزِلك ف هوايا طوقه
.......... احمدعامر ............. امل صالح ..............
ننوة ان ماينشر حق مسجل بالهيئات المنوطه بذلك 571110/2017
ليست هناك تعليقات:
إرسال تعليق