.............. والعباد هم العباد .................
أنا حد
. سهل جدا وبسيط
بعشق الصمت ساعات
مش لجبن
أو تحس انى عبيط
الحكايه انى بكرة السليط
للممـــــــــــات
وانا عارف الحياة
خد وهـــــــــات
بس اصلى حد تانى
مش هممنى ان غيرى
راح وفـــــــــات
اصلى عارف بكره اموت
والجسد يصبح رفات
كله عارف بس ناسى
وانا فاكر انى ميت
من سكـــــــــــات
والزمن مر وتاعبنى
عشته اجاهد بس ساكت
ماليه روحى الامنيـــــات
والامانى ليها ناسها
واللى حارس كل ناسها
راح ومـــــــــات
واللى ميت نفسه يرجع
اصله ناسى كتير حاجات
انه يركع . يوم لربه
اويعيش الامسيـــــــــات
يقرأ القرآن بصوته
ويسمعه رب العبـــــــاد
انا حـــــــــد
مش هممنى اى حاجه
ولا طالب اى حاجه
غير بلادى تكون عفيفه
غير بناتنا تكون شريفه
والزراعه بالوحـــــات
والمصانع ماليه بلدى
وملك ولدى
تتصنع كل الحاجــــات
والبيوت طاهرة ونضيفه
فيها ورد من الجهـــات
والموظف فيها عايش
بالامانه
مش بينهب ف البــــلاد
والمساجد ليها ناسها
يوعظوا كل العبـــــــاد
والضمير يبقى صاحى
حتى يجى الممــــــــات
بس عارف انى بحلم
حــــلم بارد
والعــــــــباد هم العــباد
................ احمد عامر .....................
ننوه ان ماينشر حق مسجل بالهيئات المنوطه بذلك 3898710/2017 س م ب
ليست هناك تعليقات:
إرسال تعليق