مــــــوال
............... دقيت جراحك وشم .................
دقيت جراحك وشم
بالصدر يا خـــــــــــــــــالى
ولقيتنى دقت الالم
والكل قال مــــــــــــــــــالى
وانا اللى كلى جراح
وحبيبي ولا دارى
ودقت كاس المرار
وانا م الجيوب خـــــــــــالى
الكل راح واختفى
ووابن الحــرام جــــــــــانى
واما الزمان يكسرك
مفيش مكان يجبرك
ولا تقولى اخــــويا
ولا عمـــــى ولا خـــــــــالى
اعمل لنفسك مكان
لو تتركـــه خـــــــــــــــــالى
ويوم يدور الزمان
تصــــــــــــرخ انا بــــدارى
واللى ملوش منضره
عاش ف الحــــــياة خــــالى
واللى يزور النبى
يحكيــــــله احـــــــــــــوالى
مشتاق ازورك يانبى
مشتاق ازورك يانبى
بس المســــير غـــــــــــالى
وانا الفقير يانبى
وربك عـــــالم بأحـــــــوالى
...................... احمد عامر ........................
ننوة ان ماينشر حق مسجل بالهيئات المنوطه بذلك 5438040/2017 س م ب
ليست هناك تعليقات:
إرسال تعليق