سكة سفر للشاعر احمد عامر

..................... سكـــــة سفـــــر .........................
سكة سفــــــــــــــــــر
الدنيا دى بحلوها
وبمرها سكـــــــــه سفر
وبعزها وبمكرها بالمختصر
فيها السعاده مدمـــــره
فيها الحياه بالمنظـــــره
وناس كتير تايها بها
وحاجات كتير متقـــــدره
بالمختصر سكـــــه سفر

ياقلوب حزينه بدمهـــــــا
فيكى الامانى مكســـره
واللى يعيش من حسنها
تيجى ساعات مدحـــدره
واللى باول الصفوف
فجاه تلاقيه اصـــــبح ورا
والدنيا دى حبة هوا
بالمختصر سكــــــه سفر
ياناى حــــــزين مالك كدا
الحزن ليه بالشــــــكل دا
اعـــزف حاجات من دا ودا
لسه القلــــــوب متحجره
يادنيا دنيــة كــــــــدابين
مات الحنان مــات الضمير
ونقول لمين ونعيـد لمين
ومفيش مكان للمكسورين
والشكوى جـــــات متأخره
اما العبـاد نسيــــوا العباد
واخوك نساك وقت الميلاد
بطلــــــب ياربى المغفره
الدنيـا دى بحلـــــــــــوها
وبمرها وبعزها وبمكــــرها
بالمختصر سكــــــــه سفر
سكة سفر
......................... احمد عامر .........................
ننوه ان كل ماينشر حق مسجل بالهيئات المنوطه بذلك 10012/2015س م ب

7