........................ انا وامى والصحاب ..........................
الصحاب احلى كلمه سمعتها
وانا لسه بالصبا جـــــــــربتها
كنا نمرح بالغيطان وبالطـــرق
وكنا نرمى بعض حتى بالورق
ورق الشجر ساعه عصارى وعشتها
وبعدالجرى نجرى نلعب ماتش كـــــوره
مره نتعصب ومره نتصور مع بعض صوره
ومره يتحطم دراعى او اروح وعنيا عوره
والهدوم متقطعه ومليانه طـــــــين
وامى اول ماتشوفنى تبتسم
وتنادينى انت جيتنى ياحــــــــزين
كل يوم بتناهدنى وخاوتنى
يوم ماشوفتك شوره طــــــــــــين
كل وقتك بالاراضى مع صاحبك ابن راضى
والنبى دا خلفه طـــــــــــــــــــين
جتها نيله اللى تطلب الــــــــولاد
اااه ياربى مش كان احسن البنات
يخدمونى يستتونى زى سكر النبات
قوم يازفت الطين يلا واستحــــــمى
لما اشوفك بالبلاوى نفسى غــــمه
انتى ابنى؟ جتنى نيله جاتلى حـمه
كل ده وانا بضحك وصحابى بيضحكوا
وامى تصرخ جتكوا هم خلفه لـــــمه
يلا يالا روح لبيتكم واستحـــــــــمى
شكلكم شكل الفيران والمخـــــــمه
واحنا نضحك ويقولولها ياخاله
كلنا مع صاحبنا هنستحـــــــــــــمى
تصرخ امى يلا ياد يابن مزايا روح لامك
هى ناقصه اغم نفسى داهيه تاخدك
انت وامك
لآ وخالتى مزايا تضحك يسلملى
ياحاجه فمك
والله ياختى حاجه تقرف الولادى بتغمك
ويسبونا لحالنانغسل ونكسر بالحــــــاجات
كل شىء نملاه بميه حتى نملا الغسالات
واسمع امى بتناديها يامزايا الفرخه باضت
ولا بطه الولاد رقدت ببيضها ولا باظـــــــت
طب علفتى الحوان والحمامه جات وفاتــت
ومزايا تقول ياحاجه كل شىء اصبح تمام
وامى فجأه تقوم وتصرخ اهى حله رزى شاطت
جتكوا نيله عيال تغـم
يوم ماجيتوا جيتوا غم
يامزايا ادعكى ضهر العيـــــــــــــال
نضفيهم ياضنايا بالدولاب عندك ريال
لبسيهم ووزعى عليهم فلـــــــــــوس
وهاتيلى العيال لما اشبع فيـــــها بوس
يامزايا هتى قصافه الضـــوافر
العيال زى الحمير باديها حافر
واحنا نضحك وتلاعبنا
ياخرابى انت سخن هاتى يابت اللبوس
واحنا نجرى من اديها ونلف حواليها
يلا ياد . كل واملا كل بطنك
هاتى يامزايا الغمــــــــــــــــــــــ
كل واحد يملابطنه ماتكلش بايديك
اه يابقره ياجـــــــــــــــــــــــ
واحنا نضحك م الكــــــلام
وبدقايق م التعب الكل نام
وهم قاعدين جنبنا وينشوا بالفوطه الناموس
الصحاب احلى كلمه سمعتها
وانا لسه بالصبا جربتــــــــــها
ربى يحمى الصحاب المخلصين ويعزها
..........................
ننوه ان كل ماينشر حق فكرى مسجل بالهيئات المنوطه بذلك1258/2013 س م ب
ليست هناك تعليقات:
إرسال تعليق