........... حال الدنيا .............
غلطة عمرى
انى امنت لناس مش شاريه
يمكن قدرى
ان باعونى قلوب مش حانيه
بضحك جدا
لما أتذكر حال البايع
واما الشارى بيكون صادق
يتهموه افعاله الجانيه
بقى دى الدنيا
اه واللهى دا حال الدنيا
******
اما الخاين أصبح مخلص
واما المخلص أصبح كنيه
واما الفاسد كله يآمنه
واما الصالح تاه ف الدنيا
لأ والحق اهو ضايع بينا
أخدوا الباطل حق ف ثانيه
كله عاملى فيها امام
بدل وشه بوشوش تانيه
خبى الباطل ف الوجدان
بس الطبع غلب بالعنيه
بقى دى الدنيا
آه واللهى دا حال الدنيا
******
ابن البطه هيصبح ديك
أما حماده هيصبح مونيا
شىء بيجنن عقل العاقل
صبح العاقل واد منخوليا
واللى اتجنن اصبح باشا
أصبح قائد من منغوليا
يقتل يسرق ده شىء عادى
خلا دهبنا بقى المونيا
واللى معارض يخرب عقله
أصبح مارك ملك الدنيا
بقى دى الدنيا ها ها ها
أه واللهى دا حال الدنيا
............... احمدعامر ..............
ننوة ان ماينشر حق مسجل بالهيئات المنوطه بذلك 8040010/2018 س م ب
ليست هناك تعليقات:
إرسال تعليق