........... أصعب سؤال ..............
أصعب سؤال
إنت صحيح بتحبنى ؟
معرفتش أنطق بالكلام
ولا كان فيه رد يدلنى
مشوار حياة بندمرة
وإزاى نعود ونعمرة
وساعات كتير بيزلنى
كتر الأسى وكتر العتاب
وكتير بيمنعنى الغياب
إنى بحسه يضمنى
إنت صحيح بتحبنى ؟
أصعب سؤال
******
يمكن ساعات بأحنله
واتذكره وأرنله
أول ماينطق بالكلام
كل الكلام بنقفله
قلبى ماليه كتر الغضب
ولا بقبله مهما عتب
مهما بكى مهما شكى
مهما شجب
مهما يكون بيعزنى
مابهمنى
إنت صحيح بتحبنى ؟
أصعب سؤال
******
كنا زمان أجمل مثل
وبيضربوا بينا المثل
كان الهوى مالى القلوب
وكأنه شهد أو عسل
أما النهارده بنختلف
مابصدقوش مهما حلف
حتى السؤال أصبح تقيل
بيغلفه كتر الكسل
ومعدش صوته بهزنى
ووصلنا لنهاية الطريق
حاسس بحبه بهدنى
إنت صحيح بتحبنى ؟
أصعب سؤال
............... احمدعامر ............
ننوة ان ماينشر حق مسجل بالهيئات المنوطه بذلك 73510/2018 س م ب
ليست هناك تعليقات:
إرسال تعليق