........... واغلى م الاخ الشقيق ...............
روحى يعنى انتى قلبي
وروحى يعنى انتى روحى
وانت اختارى الطريق
لو هتيجى ف يوم لقلبى
هبقى عايش مش غريق
يمكن ابقى حاجه حلوه
زى روحك غنوة حلوة
مش مهم اكون حبيبك
او طريقك او عشيق
بس خلى الروح تهفهف
فوق سمايا
حتى اندل الطريق
واما مره تكونى حايره
والحياة بالقسوة دايره
هتلاقينى منتظر منك كلام
وسط صحرا يبل ريق
وانتى روحى غصب عنى
واغلى م الاخ الشقيق
يمكن الدنيا تعاندنى مرة بيكى
تبعدك عنى سنين وتداريكى
بس لو باعت بيوم
انا برضه هشتريكى
مش عشان انتى بعتى
اوعشان يوم رجعتى
اوعشان اتشفى فيكى
بس يمكن لسة روحى
ويا دمى ويا قلبى
لسه بندور عليكى
لسه فيه جوايا حاجه
عايشه جوه القلب عاشقه
وبتناديكى
عاشقه روحك عاشقه بسمه
من شفايفى مرة ليكى
وانالسه بالطريق
منتظر منك كلام
وسط صحرا يبل ريق
دانتى روحى وانتى قلبى
واغلى م الاخ الشقيق
.................... احمدعامر ......................
ننوة ان ماينشر حق مسجل بالهيئات المنوطه بذلك 93171/2018 س م ب
ليست هناك تعليقات:
إرسال تعليق