تبقى مصر احلى صدفه للشاعر احمدعامر

........... تبقى مصر احلى صدفه .............

قالوا صدفه 

ان مصـــــــــر بقت كبيره

وان كل تاريخها صدفه

وانا بسأل

النفوس المريضه المريرة

اللى جات الدنيا إنفه

هو ربك

لما يزكر اسم مصر بالكتاب

تبقى صدفه

واما ربك بيــها يقسم بالكتاب

برضه صدفه

وابراهيم لمايجى 

ل سنان جوة ملكه يومها تاب

برضه صدفه

واما يبقى منها 

هاجر نور وواصل للسحاب

برضه صدفه

واما يبقى منها

موسى داق لفرعون العذاب

برضه صدفه

واما ربك فوق ترابها 

نادى موسى وتجــــلى للعباد

تبقى صدفه 

واما يوسف جالها 

صاحى بعد وقت من العذاب

برضه صدفه

واما يحكم بالمجاعه 

فيها يوسف عز ال7 الجداب

برضه صدفه

واما يطعم منها يوسف 

كل جايع دون مذله او حساب

برضه صدفه

واما تيجى 

الست مريم ويا عيسى للثبات

تبقى صدفه

وماريه 

لما تبقى للرسول خير العباد

برضه صدفه

واما يجى جيش

تتارى اوصليبى وفجأة غاب

برضه صدفه

واما نهزم المغول 

اللى عاثوا ودوقوا الدنيا العذاب

برضه صدفه

واما ارض القدس 

نادت وانطرد منها الكلاب 

برضه صدفه

لوحقيقى كله صدفه 

تبقى مصر احلى صدفه

دا الاله مذكرش غيرها

شهد ملكى ملهش قطفه

والاله حامى حماها

ده حقيقة ومش مصادفه

مصر بلدى منها ولدى

احلى شىء بالكون ياولدى

ان تحمل اسم مصر

وتحيا مصر وتحيا مصر وتحيا مصر

................. احمدعامر .................

ننوة ان ماينشر حق مسجل بالهيئات المنوطه بذلك 37620/2018س م ب

بس ادعى وقول يارب للشاعر احمدعامر

............. بس ادعى وقول يارب ............

أحلى ورده النهارده

للموده 

بس يعنى الدنيا صعبه

محتاجين حبة مواربه

وإن صباح الدنيا عدا

والأمانى طرقها سده

قوم وإضحك

تلقى كل الشمس فارده

تلقى إيدى عليك وسانده

وانا بعشق من جمالك

أحلى ضحكه لأحلى ورده

والحياه شويه تضحك

وشويه مرار وهدة

واما تيجى بيوم تعبها

قوم وإضحك

لما تلقى الطفله جِِــده

واما كل الناس تلومك

إبقى طنش

حتى لو بعِـيـداها شده

بعد ساعه تروق وتحلى

فجأة تلقى الصعب عدا

دا الإلة خلق الخلايق

بالحنان بالمــــــوده

أما رزقه ليك هيوصل

بعد ساعه بعد مُــــده

أو يجوز يبقى النهارد

إوعى تيأس م الحياة

لما تبقى بحورها سًده

روح واُسجُد جوة مسجد

بس إدعى وقول يارب

تلقى فرجه بعد شـده

تلقى يسر بعد حـــده

بس ساعِد ف الحـياة

بقلب طيب

خلى عُمرك بالحياة

أخره طيب

عِد نفسك للنهايه بألف عِده

إوعى تبقى النيه جايه

بالف رِده

إوعى تاكل يوم حرام

حتى لو تُقـــل الجـرام

وإنتظر حكم الإله

لما يطلب منا روحنا

تلقى روحنا إليه وراده

والحياة من بابها نخرج

زى قطن بالمخده

.................... احمدعامر ...................

ننوة ان ماينشر حق مسجل بالهيئات المنوطه بذلك 32840/2018 س م ب

انا بشكى ليك يانبى للشاعر احمد عامر

.................. انا بشكى ليك يانبى ................

قال النبى شِموا السفرجل

لو مره واحده بالحياه

وانا بقوله يانبى أنا معرفوش

عِشنا بزمن على سن برجل

وبدايره فارغه ومنتهاه

شبكوا الدواير وبنمط مبنعرفوش

صنعوا الحرامى وقالولنا أرجل

والظلم واصل منتهاه

وحكموهم والطغاه مبيرحموش

ومسكونا بالهوى شاكوش ومنجل

وعلمونا إن الشقى صنع الإله

وشيوخ تضلل بالفُتى ولا يختشوش

لاأعرف بجهلى يعنى اى هو السفرجل

ولايعنى اى معنى الحياه

وقالولى وردة يانبى ومشمتوش

وعشت عمرى بدون هدف وشىء يبرجل

لما تكون وسط الالم ومع العتاه

ومر عمرى وانتهى مقدرتلوش

انابشكى ليك يانبى حكام خانونا بعمرنا

تاجروا وباعوا بدمنا وبفقرنا

حتى كلامك يانبى ساقوة لنا ومتمهوش

وزوروا كل المعانى بأمرهم

وزوروا ليك الحديث من جهلنا

وقالولنا ده قول النبى نشروا الخدوش

الف سنه بيغشنا شيخ البلد

الفين سنه قسيس بخون حتى الولد

ودينا اصبح شىء عقيم من غشهم مبينتهوش

ادعيلنا ربك يانبى يارب حوش

اصل الغلابه بيينتهوا وسط الوحوش

ولسه برضه يانبى مبيرحموش

...................... احمدعامر .....................

ننوه ان ماينشر حق مسجل بالهيئات المنوطه بذلك 54972/2018 س م ب

انا ابن مصر البلد للشاعر احمدعامر

........ انا ابن مصر البلد ...........

شدوا شراع السفن

علوا نواصيها

خلوها عايمه بفرح

تملا موانيها

دا الرب كتب القدر

يا مصر بيكى افتخر

واللى يحب النبى

صلى وإحيها

دا مصر ام البشر

بالدم نفديها

وجيشنا المنتصر

هو اللى يحيها

سهم بصدر العدا

وقبر للى إعتدى 

نار ع اللى عاديها

مين بالبلاد إتمدح

نشأ الرسل فيها

كل البلاد ليها الحمى

والرب راعيها

حلف بإسمه العظيم

بنفسه يحميها

لما علمها إترفع

كله ركع ليها

وانا إبن فرعون الذكى

رافع مبانيها

وانا إبن موسى النبى

اللى إتولد فيها

وانا إبن عيسى المسيح

اللى إتحمى بيها

وانا إبن خير البريه

اللى مدح فيها

وانا نبت كتب الرسل

وذكروا إساميها

وجاى كلاب تشتمك

يلعن أهاليها

دا ميعرفوش غير إسمها

أو مين ناشيها

بلدى ودمك فدا

للى ركع ليها

أما الكلاب بالخلا

بتعض بعضيها

ومصر أرض العرب

واللى نشأ فيها

أما كلاب العرب 

ترجع بواديها

وانا إبن مصر البلد

وبدمى هفديها

............. احمدعامر ................

ننوة ان ماينشر حق مسجل بالهيئات المنوطه بذلك 42710/2018 س م ب

البت زاهدة للشاعر احمدعامر

ضمنى وطبطب عليا للشاعر احمدعامر

............ ضمنى وطبطب عليا ....................

اقتلى الخـــــوف اللــــــــــــــــى بيا

جففـــــيلى دمــــــــــــــــــع عينى

دا البــــــكى دوب عنــــــــــــــــيه

وانتى لسه بتلــــــــــــــــــــومينى

والليالى ســـــواد طويل

وانا راضـــــــى بالقليل

بس قولـــــى اى حاجه

ضمنـــــــى وطبطـــــــــــب عليا

*********

والمـــــــــلام والكلام

شىء واخــــــــــــدنى بسكه تانيه

شىء بيدبح حلمـــــــــــــــــى بيا

دا الهـــــــــــــــــــــــموم اللى فيا

سيلت دمعـــــــــــــــــــــــة عنيه

**********

والـــــــــــزمان والمكان

بقى ليـــــــــهم الف لون

لون بيــــــــــــــــــدبح قلبه قاسى

لون يطبــــــــــــــطب بس ناسى

ولون بيبقى كل همه

يجرحـــــــــــــــــــك وهو راسى

وانتى لونك ايه ياعمرى

لما كنــــــــــــــــــت يوم بواسى

كنت عايش حلم عمرى

بس انتـــــــــــــــــى بقلب قاسى

**********

وابتــــــديت احس انى

تبعدينى وغصب عنى

لازم ابعــــــــــــــــــد من سكات

زى حــــد كتير وعادى

قلبه حبــــــــــــــــــــــك لما مات

وابتدى لعــــــــــــــــب الكراسى

ناس بتيجى وناس تروح

وناس بتخنق بيكى روح

وانتى برضه زى ماانتى

قلب قاســــــى م الجروح

بس قلبى حـــــــبك انتى

وانتى كنـــــــــــــــــتى نور عنيه

ولسه حلمى بشوفك انتى

وانتى رايحـــــــــــــه وانتى جايه

***********

اقتلى الخـــــــــــــــــوف اللى بيا

جففيـــــــــلى دمع عينى

دا البـــــــــــــــــــــكى دوب عنيه

وانتى لســـــــه بتلومينى

والليالى ســـــــواد طويل

وانا راضـــــــــى بالقليل

بس قولــــــــى اى حاجه

ضمنى وطبـــــــــــــــــــطب عليا

........................ احمدعامر ................................

ننوه ان ماينشر حق مسجل بالهبئات المنوطه بذلك 770602014/2016 س م ب

شااااااااويش للشاعر احمدعامر

............ شااااااااويش ............

وقت الجلد هجروا البلد

لما البلد صبحت مفيش

واللى اتجلد كان شعبها

ونظرنا اصبح شيش وبيش

لما الكلاب زاد نبحها

هرب الكبار خليوا بها

والكل اصبح م الكبار

لما الكبار اركوها خيش

اما الصغار اتمنظروا

ف باعوها حتى تراب وجيش

مات الضمير جوة الولد

ويقول يابلدى ما تحتريش

لازم ابيع ما انا بدى اعيش

اما الحكومه مننا

ودمهم من دمنا

بيأكلونا م التراب ولاتختشيش

قام دمروا أهل البلد

وبيسرقوا قوت الولد

وبيقتلوا اللى اتولد

وادفع رشاوى عشان تعيش

بقت البلد شِبه بلد

حتى الولد مابقاش ولد

والبنت صبحت شىء عقيم

عشرين سنه بتجيب ولد

اما الولد اصبح عميل

بيخون بلادة بالحشيش

كل البلد كلت الحرام

فيه اللى كال حمل الجمل

وفيه بياكل بالجرام

وفيه عِباد ماتت فطيس

وعِباد كتير خدها الغرام

حتى الغرام عشتاة اوى

وفيه شويه من الحرام

كله بياكل لحم اخوة

بايع لدمة عشان يعيش

وبقينا حبة غشاشين

ههه غاشينا حتى بالحشيش

كل العرب صبحوا رماد

وقت الحروب ماتلاقيش

وتسألة طب ليه تخون

ينطق ياعم عايز اعيش

وانا دمى اصله منهم

نفس العبط وفيه بعيش

وبعيش حياة م المنظره

بعمل كبير وانا ممعيش

عرفتوا ليه مات العرب

وعرفتوا ليه وطن اتخرب

كل البلاد اتحررت

وانا برضه لسه ماهمنيش

يخرب بيوتكم هتسجن

وانا نفسى اعيش

على رأى نجمتنا سهير

ههههههههه شاويش

.............. احمدعامر ...............

ننوة ان ماينشر حق مسجل بالهيئات المنوطه بذلك98150/2018 س م ب

ياجيشنا يادمنا للشاعر احمدعامر

................... ياجيشنـــــــا يادمنا ..........................

فوق المدافع وقفت العصافير

قالت ياناس يابشــــــــر

انا نفسى اعيش وما أطـــير

بس اصبــروا اصلى

اناع الوطـــــــــــــــــن وبغير

يلعن ابوه اللى خان

ببلدنا او للغــــــــــــــــــــير

ياقتــــــالين الصبى

والـــــــــــدم زاد همـــــــى

يامشردين الخلايق

والصـــــــــم من فمــــــــى

وتكــــــــبرو بالدين

وتقطعـــــــــــــــــــــوا أمى

ع الارض تاه الامان

والاســـــــــــــم من دمى

اسلامنا اصبح مهان

ودوت اكمــــــــــــــــــــنى

صدقت كل الكلام

طلــــــــــــــــع التمن دمى

الله اكبر يامصــــــر

يامـــــــــــــــــزلزلة الخاين

الله اكبر عليهم

والدم ليـــــــــــــــــة هاين

لاخلوا شارع سليـم

ولاشجــــــــــــــرة بجناين

وكله باســــم الدين

خـــــــــــــونة وربك العــاين

ياجيشـنا ياقلبنايادمنا ونارنا

ياحــــامى ارض الوطن

وعرضنـــــــــــــــــــا ودارنا

ياقاتل المعتـــــــــدى

وحــــــــــــــــــافظ اسرارنا

يحميك ياولدى ربنا

بليلنــــــــــــــــــــا ونهارنا

واحنا فـــــداك كلنا

وهنحــــــــــــــــفظ اوطانا

ولو التمن دمــــــنا

احنا معاك للممات ونتم مشوارنا

اضرب قلوب اللى خانوا

واحـــــــــــمى تراب بلدك

زلزل قلــــوب الطغاة

نضفـــــــــــلى ثوب ولدك

من كل طاغى طغى

ورى العـــــــــــــدا جلدك

يا ابن مصر الابيه

يادم مصر البهيه

تسلملى طول عمرنا

ترفع علــــــــــــــــم بلدك

........................... احمدعامر ............................

ننوه ان ماينشر حق مسجل بالهيئات المنوطه بذلك 99410460/2016 س م ب

وعامله متصوفه للشاعر احمدعامر

يااااا حبيبي للشاعر احمدعامر

.......... يااااااااااا ياحبيبي ..........

ياحبيبى

ياللى عاشــــــــق منى دمى

ياللى حبــــــــــــك كل همى

يا احلى نغمـــــه يوم ما اغنى

ياااااااااااااا ياحبيبي

*********

ياحبيبي

ياللى مشـــــــــــوارك حياتى

ياللى حبــــــــــك روح حياتى

ياللى نظـــــــــره بس منـــك

تحيـــــــى روحــى جوه منى

ياااااااااااااا ياحبيبي

*********

قلبى عشقه وروحـــــه فيك

كل نبضــــــــــه بتنــــــاديك

وكل نقطه دم فيـــا هى ليك

حتى احساسى اللى عشته

كان بيهمس اســـــــمه بيك

ياااااااااااااا ياحبيبي

********

باللى حضــــــــنك كان دفايا

ياللى همســــــك كان منايا

واما اسمـــــــــــع اهه منك

تختفى فرحـــــــــــــة هوايا

واما جرحى عليك يلومنى

القى دمعى ملوش نهايه اااا

ياااااااااااااا ياحبيبي

*******

مش هقولك عن جراحى

لما روحـــــــــت وغبت عنى

مش هقولك عن ألامى

وانت تحــكى وتشكـى منى

تشكى ليه واحكى ايه

وانا منـــــك وانت منـــــــى

رغم بعــــــــدى وكبر سنى

والسنين راااااحت اوام

وانت عــــــارف غصـب عنى

ياااااااااااااااااااا ياحبيبي

*********

الجراح معدتش تنفـــع بالدوا

مش هلومــك او تلومنى

مين وليـــــــــــــه باع الهوا

ولا مين فيــــــــــــــنا هوى

واللى عشته كان سراب

زى حفنه من تراب وبتنـطوى

ياللى عاشـــــق منى دمى

ياللى حبــــــــــك كل همى

يا احلى نغمــه يوم ما اغنى

ياااااااااااااا ياحبيبي

*********

............... احمد عامر ..............

ننوة ان ماينشر حق مسجل بالهيئات المنوطه يذلك 12059101/2016 س م ب