.................... سايق عليك النبى ........................
سايق عليك النبى تسرج قـــناديلك
وبلاش تكون والنبى خافى مناديلك
وخلى قلبى لقلبك حارسك ودليلك
وقت تتوه بالحياه قلبي ينـــــاديلك
واكون نورك مع نهارك واكـون ليلك
وقت سطوع القـمر انده وانا اجيلك
سايق عليك النبى
سايق عليك النبى ماتبيع بيوم حبـــى
ولاتنسى وقت الحنان تنطق ولاتخـبى
انا قلبى م الانتظار كاتم بالحشى ودى
وانا ودى حبه امل انسى بهم هــمى
وهمى انك تكون سندى ويوم حضنى
وحضنى حبه دفى للى احتمى يمـى
سايق عليك النبى
سايق عليك النبى تمدلى ايـــدك
يمكن بيوم اسندك اسرج قناديلك
انا هوايا ملكته أوقف على حيلك
وقت يجور الزمن هاجـى واشيلك
ومهما كان البعاد هصـبر واناديلك
انا قلبي بيتك انا ذاتك وبدعــيلك
ان الاله يحميك ويزيد بالحياه خيرك
سايق عليك النبى انده وانا اجيلك
سايق عليك النبى
سايق عليك النبى لتكون بيوم مـــــوال
وقت اتوه بالزمن تسعدلى الاحـــــــوال
وتكون رفيق بالزمن وبلاش تكون رحــال
وتكون سند وقت الألم وتخفف الاحمال
وتضمنى جواك تكون فارس ومش خيال
وقت البلايا تكون دوا واصبر وكون حمال
سايق عليك النبى
....................... احمد عامر ..............................
ننوه ان كل ماينشر حق فكرى مسجل بالهيئات المنوطه بذلك
ليست هناك تعليقات:
إرسال تعليق