............... ولا الحياة للميتين .................
الكل ميت او رحل
وفضلت وحدى من سنين
والقلب منى بينتحر
وبيحلفوا مليون يمين
ان الزمن هو الزمن
بس الحياة للمحتالين
وانا قلبى ميت وبزمن
مبيمسحوش فيه الانين
هى الحياة روح اللى عاش
ولا الحياة للميتن
*******
ياقلبى خفف دقتك
يارمشى احبس دمعتك
يادمعتى نازله لمين
كل الوجوه متكرره
اما القلوب متنكره متغيرة
حتى الحبيب اصبح لعين
كان الطريق صعب وخلص
ومكنش فيه حبة حنين
هى الحياه روح اللى عاش
ولا الحياة للمتقين
*******
ياقلبي
الكل باعك وانتهى
اما الوجوة اتكشفت
واما اللى كان منك قريب
خلى العدا اتشمتت
وانت صابر ع البلى
ياقلبي فين الطيبين
كانوا زمان كله هنا
اما النهارده مختفين
والكل ميت اورحل
وفضلت وحدى من سنين
هى الحياة روح اللى عاش
ولا الحياة للميتين
................. احمدعامر .................
ننوة ان ماينشر حق مسجل بالهيئات المنوطه بذلك 15962/2017 س م ب
ليست هناك تعليقات:
إرسال تعليق