إجمالي مرات مشاهدة الصفحة

آخر الأخبار

السبت، 31 مارس 2018

كله ف حالة إنعدام للشاعر احمدعامر


............. كله ف حالة إنعدام ..........
ناس كئيبه وناس عجيبه 
وناس تكتر يالكلام
وناس قريبه وناس غريبه
وناس بتحلم والسلام
وناس قويه ومفتريه
بالضمير حالة انعدام
كله راكب ف القطار
والجميع مش ف التزام
والحياة زى القطار
ع القضيب مايحدش ابدا
حتى لو سواقه نام
فيه بينزل بالمحطه
واللى قاعده وشايله بطه
واللى ساهى عن ميعاده 
راح ونام
بس كله راح هينزل
دالحياة بالنهايه ليها منزل
وفجأه تصحى م الممات
تبقى شاككك دوة حلم او منام
تلقى نفسك ف الحقيقه
والإله حط الميزان
والملايكه قاعده توزن
والعباد مش ف اتزان
كله شايف كله خايف
كله فى حالة إنعدام
واللى عامله ف الحياة راح تنوله
اما نصر او إنهزام
أيوا بغلط
زى كل الناس بتغلط
بس بستغفر لربى 
ببقى ساجد بإنسجام
ببقى خايف يوم قيامتى
إتى اقابله بدون ما أسجد
اوأتوب أو اُلآم
بدعى ربى يكون نصيرى
لو ظلمنى حد غيرى
بالنميمه وبالكلام
إدعوا ربى استغفروه
والصلاة لخير الانام
.............. احمدعامر .................
ننوة ان ماينشر حق مسجل بالهيئات المنوطه بذلك 401290/2018 س م ب



ليست هناك تعليقات:

إرسال تعليق