............ ضمى قلبى ...............
ضمى قلبى واحضنينى
وامسحى دمع العيون
دانتى حبك غصب عنك
وانا شايلك بالجفون
وان بعدتى ف يوم ياعمرى
برضه هصبر مش هلوم
دا النهارده زاد سكوتك
بس صمتك جوة صوتك
قال وفضفض ع العموم
كل همسه تقول بحبك
كل شىء ف الكون يهون
وانتى ساكته زى مانتى
قلبى حس بشوق عيونك
كذبينى لو كلامى كان جنون
ضمى قلبي ضمى قلبي
وامسحى دمع العيون
*********
ضمى قلبي جوة قلبك
ضمى روحى جوة روحك
دا الحياة صعبه وبعدك
بينت شدة جروحك
وانا لسه بخاف عليكى
لسه عاشق ملك ليكى
خايف ابعد النهارده
تبعدى يشتد نوحك
وانا عارف انى واحد
م اللى جنبك
وانى همك وانى زنبك
وان قلبك خبى بوحك
وانى حبك وانى دمك
وانى كلمة بتعشقيها
وانى روحك
بس خايفه تكلمينى تعشقينى
تحضنينى تبان دموعك
كذبينى لو كلامى كان جنون
ضمى قلبى ضمى قلبى
وامسحى دمع العيون
*********
ضمى قلبى
دالحياة راحت وعدت
باقى فيها كلمتين
كلمه للناس اللى عدت
وكلمه ضماها بحنين
لو ماقولتليش بحبك
ناويه تقوليها لمين
دا الحياة راحت وعدت
انطقى قبل الرحيل
والقلوب باعت ماودت
وانا راضى بالقليل
دالحياة حبة ثوانى
باقى فيها ثانيتين
وانتى لسه زى ما انتى
كتمه حبك من سنين
كذبينى لو كلامى كان جنون
ضمى قلبى ضمى قلبى
وامسحى دمع العيون
.................. احمد عامر .......................
ننوةه ان ماينشر حق مسجل بالهيئات المنوطه بذلك 273101/2017 س م ب
ويللى ع هالحكى تقبرنى
ردحذف